Տնտեսություն

Հաճախորդների սպասարկման բարելավման և մասնաճյուղերի աշխատանքի օպտիմալացման նպատակով, Յունիբանկի մասնաճյուղերը փուլ առ փուլ անցում են կատարում «մեկ պատուհանի» սկզբունքով հաճախորդների սպասարկմանը:

Այսօր՝ մայիսի 23-ին, «ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում ամերիկյան դոլարի առքուվաճառք տեղի չի ունեցել։ Դոլարն առաջարկվել է 414.25 դրամով, սակայն պահանջարկի գինը չի գերազանցել 414 դրամը։

ՀՀ ԿԲ վերանայել է 2014 թվականին Հայաստանի տնտեսական աճի կանխատեսումը՝ նվազման ուղղությամբ. այն կկազմի 4.1-4.8%։ Այս մասին նշվում է ԿԲ 2014թ. երկրորդ եռամսյակի գնաճի հաշվետվության մեջ։

«Շատ դրական եմ գնահատում, ես համարում եմ, որ եթե ցանկություն և պատրաստակամություն կա կիսվելու, խորհրդակցելու, խորհուրդ հարցնելու, շփվելու, դա խոհեմության և փորձառության նշան է: Դա լավ նշան է»

Վարչապետ Հովիկ Աբրահամյանի` գործարարների հետ հանդիպման ժամանակ կարևորվել էին մի շարք ուղղություններ, մասնավորապես ֆինանսների նախարարին հանձնարարվել էր արդյունավետ հսկողություն սահմանել տնտեսության մեջ գործարքների համատարած փաստաթղթավորումն ապահովելու, բիզնեսի կողմից ագրեսիվ հարկային պլանավորման փորձերի, ստվերային գործունեության նկատմամբ` նպաստավոր պայմաններ ստեղծելով հավասար տնտեսական պայմանների ապահովման ու կարգապահ հարկ վճարողներին աջակացելու ուղղությամբ:

Բրեդլի Բուզետտոն շնորհակալություն է հայտնել Հովիկ Աբրահամյանին հանդիպման համար և ողջունել մարդու իրավունքների պաշտպանության, կոռուպցիայի դեմ պայքարի, փոքր և միջին ձեռնարկատիրության զարգացման ծրագրերը կառավարության առաջնահերթությունների թվում ներառելու փաստը:
Վարչապետը և ՄԱԿ-ի մշտական համակարգողը կարևորել են սահմանների կառավարման և սահմանային անցակետերի արդիականացման, ինչպես նաև տարածքային կառավարման բնագավառում (այդ թվում համայնքների խոշորացման գործընթացում) համատեղ բարեփոխումների իրականացումը, անդրադարձել այդ ուղղությամբ իրականացվելիք աշխատանքներին:

Մայիսի 23-ին ֆինանսների նախարար Գագիկ Խաչատրյանը և Համաշխարհային բանկի հայաստանյան գրասենյակի ղեկավար Ժան Միշել Հափփին վարկային ու ֆինանսավորման համաձայնագրեր են ստորագրել` կրթության և սոցիալական ոլորտների ծրագրերի իրագործումն ապահովելու նպատակով:

Այսօր՝ մայիսի 22-ին, «ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում ամերիկյան դոլարի միջին փոխարժեքը կազմել է 413.5 դրամ։ Բորսայական նախորդ նստաշրջանի համեմատ դոլարը թանկացել է 0.3%-ով, ինչը լուրջ տատանում է։

Մայիսի 20-ին միջազգային լրատվությամբ բոլոր հետաքրքվողները ռուսաստանյան լրատվությանն էին հետևում: Հատկապես տնտեսությամբ հետաքրքրվողները: Ռուսական հեռուստալրատվության առաջին լուրերը, հայտնի բան է, վերաբերում են իրենց նախագահին՝ ո՞ւմ է ընդունել, ի՞նչ դարակազմիկ մտքեր է արտահայտել, կամ պարզապես ի՞նչ հայրական խորհուրդներ է տվել:

Ստվերի հետ կապված երկրորդ խնդիրը վարչարարության հետ է, երրորդը` քաղաքական կամքի: Ես այդ երկրորդ ու երրորդ կետերից չեմ խոսում, գնահատականներ չեմ տալիս: Ես ընդդիմադիր գործիչ եմ: Այս պահին մասնագիտական տեսանկյունից ես տեսնում եմ դաշտը հարմոնիզացնելու խնդիրը:

Ակնհայտ է, որ տարբեր քաղաքական ուժեր ունեն ոչ միայն գաղափարախոսական և ռազմավարական, այլև մարտավարական տարբերություններ կենսական շատ հարցերի մասին: Եվ Ազգային ժողովը հենց այդ ամբիոնն է, որտեղ պետք է հնչեցվեն հենց այդ տարբերությունները: Ես շնորհակալ եմ այն անձանցից, ովքեր հետևողականորեն փաստարկեցին իրենց առաջարկները, ինչպես նաև հնարավորություն տվեցին ինձ և կառավարության մյուս ներկայացուցիչներին առավել հստակ և դյուրացված ներկայացնել մեր տեսակետներն ու մոտեցումները:

Քիչ առաջ Ազգային ժողովում 69 «կողմ», 1 «դեմ» և 2 «ձեռնպահ» ձայների հարաբերակցությամբ ընդունվեց ՀՀ կառավարության գործունեության հնգամյա ծրագիրը: Հանրապետականները որոշումը ծափերով ընդունեցին:

Ընդհանրապես, իր նշանակման օրվանից ի վեր Հ. Աբրահամյանը փորձում է վերաիմաստավորել (չասենք` արժեզրկել) նախորդ կառավարության նախաձեռնությունները։ Որ դեպքերում հնարավոր է` նա խաչ է քաշում դրանց վրա։

Այսօր Աժ նիստում ՀՅԴ խմբակցության ղեկավար Արմեն Ռուստամյանը հարցադրում արեց՝ ինչո՞ւ փոխվեց կառավարությունը. «Եթե լավն էր, թող մնար»:

«Ես ունեմ ուղիներ, որով պիտի շարժվեմ, բայց կուզեի, որ մեր ճանապարհը հստակ լինի, բոլորի աշխատանքի հետ կապված ներգրավեինք, որպեսզի մենք չկարողանայինք վրրիպումներ թույլ տալ»,- ասաց նա:

168.am-ը մոտ 1 ամիս առաջ գրել էր, որ «Նաիրիտ» գործարանում տարբեր կոնստրուկցիաների ու խողովակների վաճառքը վերսկսվել է: Դրանից հետո գործարանի ղեկավարությունն ավելի «մեծ ախորժակով» է ձեռնամուխ եղել թալանին:

ՀՀ կառավարությունը 2014թ. պետբյուջեում կատարել է վերաբաշխում, փոփոխություններ և լրացումներ՝ իր նախկին որոշումներից մեկում, որպեսզի ապահովի մինչև 2014թ. հունվարի 1-ը ծնված 1890 առաջին և երկրորդ երեխայի համար 50 հազար դրամ, 355 երրորդ և հաջորդ երեխաների համար՝ 430 հազար դրամ միանվագ նպաստի բնականոն վճարումը ընդհանուր առմամբ մոտ 250 մլն դրամի չափով:

Ազգային ժողովում շարունակվում է ՀՀ կառավարության ծրագրի քննարկումը։ Ներկայացնում ենք Սիվիլնեթի ուղիղ հեռարձակումը։

Փաստաթղթում 2013թ. մակրոտնտեսական կայունությունը խաթարող ներքին և արտաքին ռիսկերից առանձնացվել է համաշխարհային և տարածաշրջանային տնտեսական աճի տեմպի դանդաղումը, էներգակիրների թանկացումը, օտարերկրյա և ներքին ներդրումների կրճատումը, վարկավորման աճի տեմպի դանդաղումը, որոնք իրենց դերն են ունեցել գնաճի կառավարելիության հարցում:

Գ.Խաչատրյանը պատգամավորին հորդորեց այցելել մաքսակետ և տեսնել, որ այնտեղ լիովին հնարավորություն կա ինքնահայտարարագրվելու:

«Անկախ, թե ինչպես կքվեարկեմ, դուրս գալիս է այս կառավարությունը»,- այսօր Ազգային ժողովում իր ելույթում հայտարարեց պատգամավոր Հրանտ Բագրատյանը:

Ի՞նչ վատ բան կա դրա մեջ, երբ հավաքվել են կառավարությունը և խոշոր գործարարները: Ես չգիտեմ` ով ինչ է պատմել, եթե ինձ ես կանչել, լսի` ես ինչ եմ ասում: Մարդիկ էս են պատմում, մարդիկ էն են պատմում: Ի՞նչ վատ բան կա, որ կառավարության ղեկավարը հանդիպում է գործարար համայնքի հետ: Ինչո՞ւ ես դու դրա անունը «տնայվարություն» դնում: Օբամայից սկսած` Պուտինով վերջացրած, աշխարհի բոլոր տնտեսությունների ղեկավարները ժամանակ առ ժամանակ հանդիպում են գործարարների հետ, խնդիրներն են լսում, պահանջներն են ներկայացնում,- պատասխանելով լրագրողին` ասաց Մանվել Բադեյանը: – Այդ հանդիպմանն ընդամենը բոլորին կոչ է արվել աշխատել օրենքի սահմաններում»:

Այս տարվա առաջին 4 ամիսների ընթացքում ՀՀ արտաքին առևտրաշրջանառության ծավալը կազմել է 1 միլիարդ 812.8 միլիոն դոլար։ Ինչպես տեղեկանում ենք Ազգային վիճակագրական ծառայության կողմից այսօր հրապարակված տեղեկանքից, նախորդ տարվա նույն ժամանակահատվածի համեմատ արտաքին առևտուրն աճել է 1.6%-ով։

Աշխատավարձը շարունակում է ավելի արագ աճել, քան սպառողական ապրանքների գները։ Համենայնդեպս, այդպես է փաստում պաշտոնական վիճակագրությունը։

Այս տարվա հունվար-ապրիլ ամիսներին արդյունաբերական արտադրանքի ծավալը Հայաստանում նախորդ տարվա նույն ժամանակահատվածի համեմատ նվազել է 1.4%-ով և կազմել 369.7 միլիարդ դրամ։ Այս մասին տեղեկացնում է ՀՀ Ազգային վիճակագրական ծառայությունը։

Այսօր՝ մայիսի 20-ին, «ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում ամերիկյան դոլարի միջին փոխարժեքը կազմել է 412.26 դրամ։ Բորսայական նախորդ նստաշրջանի համեմատ դոլարն էժանացել է 0.52%-ով, ինչը լուրջ տատանում է։

Մայիսի 20-ին տեղի է ունեցել 2017 թվականի ապրիլի 29-ին մարվող պետական միջնաժամկետ (AMGN36294175) պարտատոմսերի տեղաբաշխման աճուրդ:

Կենտրոնական բանկի խորհուրդը մայիսի 20-ի նիստում, որը վարել է ԿԲ նախագահ Արթուր Ջավադյանը, արտարժույթի առուվաճառքի լիցենզիա է տրամադրել «ՏՈւՌԵԿՍ ԳՈԼԴ» ՍՊԸ-ին, վերաձևակերպել է «ԴԻԿՐԻՍՈՆ» ՍՊԸ-ի գրավատնային գործունեության իրականացման լիցենզիան:

«Պետք է արդարամիտ գնահատական տանք անցած ժամանակաշրջանին, կառավարության գործունեությանը, և ասենք, որ այսուհետ խաղի կանոններն այսպես են: Այդ դեպքում ներդրումները կաճեն ու ֆինանսական հոսքեր կհոսեն ՀՀ: ՀՀ-ում ֆինանսական ռեսուրսներ կան, այդպես չէ, որ չկան»,- ասաց Մ.Մելքումյանը:

«ՀՀ ստվերային տնտեսությունը ժառանգել ենք խորհրդային տարիներից: 90-ականներին ստվերը լայն թափ ստացավ, իսկ վերջին ժամանակներս ծաղկում է»,- այսօր ԱԺ նիստում հայտարարեց ՕԵԿ խմբակցության պատգամավոր Իշխան Խաչատրյանը: