Արտակ Առաքելյանին մեղադրանք է առաջադրվել այն բանի համար, որ 2015թ. սեպտեմբերի 27-ին՝ ժամը 14:00-ի սահմաններում, խանդի շարժառիթով և ամուսնական անհավատարմության պատճառով սպանելու դիտավորությամբ, իր մոտ ապօրինի կրելով սառը զենք հանդիսացող որսորդական դանակը, դրանով բազմաթիվ հարվածներ է հասցրել կնոջ մարմնի տարբեր մասերին և այդ կերպ նրան ապօրինաբար զրկել կյանքից:
ՀՀ քննչական կոմիտեում նյութեր են նախապատրաստվում երեկ «Նուբարաշեն» քրեակատարողական հիմնարկում տեղի ունեցած ինքնասպանության դեպքով: Այս մասին 168.am-ին հայտնեցին ՀՀ քննչական կոմիտեից:
Մարտի 1-ից արդեն գործում է համաձայնեցված հայտարարագրի նոր ձևը: Այսուհետ ճանապարհատրանսպորտային պատահարների մասնակից վարորդները կարող են չսպասել ապահովագրական ընկերության աշխատակցին, կնքել այդ համաձայնագիրը և հեռանալ դեպքի վայրից, եթե ակնկալվող վնասի հատուցման չափը չի գերազանցում 50 հազար դրամը: Հայաստանի ավտոապահովագրողների բյուրոն, ի պատասխան մեր հարցման, ներկայացրել է գործընթացի մանրամասները:
168.am-ի հետ զրույցում ՀՀ արդարադատության նախարարության քրեակատարողական վարչության հանրային կապերի բաժնի պետ Գոռ Ղլեչյանն ասաց, որ ժամը 15:20-ի սահմաններում 40-ամյա դատապարյալը ինքնասպան է եղել կախվելու միջոցով:
Գևորգ Սաֆարյանի պաշտպան Տիգրան Հայրապետյանը դիմել է Արդարադատության խորհուրդ՝ 4 դատավորների պատասխանատվության ենթարկելու պահանջով: Խոսքն այն դատավորների մասին է, որոնք առնչություն են ունեցել Գևորգ Սաֆարյանին կալանավորելու, որոշման դեմ բողոքի, ինչպես նաև նրա նկատմամբ գրավ կիրառելու միջնորդությունների քննությանը: Փաստաբանը 168.am-ի հետ զրույցում ասաց, որ կայացված որոշումները մեկը մյուսին գերազանցել են անօրինականությամբ, չպատճառաբանվածությամբ, ակնհայտ անհիմն լինելով:
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում այսօր նշանակված էր Միջազգային Դուքենդոյի և Ֆուլ կոնտակտ կարատեի ֆեդերացիայի նախագահ, դերասան Գոռ Վարդանյանի վերաբերյալ քրեական գործի քննությունը:
2015թ. դեկտեմբերի 6-ին կայացած սահմանադրական փոփոխությունների հանրաքվեի ընթացքում գրանցված ընտրախախտումների երկու դեպքով հարուցված քրեական գործերի նախաքննությունն ավարտվել է: Քրեական գործերն ուղարկվել են Երևանի Ավան և Նոր Նորք վարչական շրջանների ընդհանուր իրավասության դատարան:
«Շենգավիթ» բժշկական կենտրոնի մանկաբարձ-գինեկոլոգ Շուշանիկ Բախշյանին առնչվող հրապարակման հիման վրա քրեական գործի հարուցումը մերժվել է: Հրապարակման հիման վրա նախապատրաստված նյութերով քրեական գործի հարուցումը մերժվել է՝ քրեական պատասխանատվության ենթարկելու վաղեմության ժամկետն անցնելու հիմքով:
Ինչպես տեղեկացրել էինք, Շենգավիթ վարչական շրջանի ընդհանուր իրավասության դատարանը որոշում կայացրեց Վարդգես Գասպարիին դատական նիստերի դահլիճից 6 ժամով հեռացնելու մասին: Վարդգես Գասպարիի պաշտպան Տիգրան Եգորյանն ասաց, որ իրենց կարծիքով՝ դատարանի գործողությունները տրամաբանություն չեն պարունակում:
«Ես խոստովանում եմ, որ Դուք ուժի կիրառմամբ կարողացաք պարտադրել Ձեր կամքը: Բոլոր դեպքերում, չնայած ես չեմ ընդունել Ձեր լեգիտիմությունը վաղուց և բոյկոտել եմ, այնուամենայնիվ, ես այսօր նորից բողոքը ներկայացնում եմ Ձեզ, քանի որ, ոնց որ այլ ելք չունեմ»:
Ինչպես հայտնի է, քրեական վերաքննիչ դատարանը երեկ վերացրեց ակտիվիստ Վարդգես Գասպարիին կալանավորելու մասին որոշումը: Փաստաբանները հայտարարել էին, որ վերաքննիչ դատարանում բողոքի քննությունը նշանակվել է 17:30-ին: Դատական նիստը, սակայն, տեղի է ունեցել երեկ առավոտյան, որի արդյունքում էլ Գասպարիին անհապաղ ազատ արձակելու մասին որոշում է կայացվել:
Նշենք, որ արտակարգ իրավիճակների նախարարությունը հաղորդագրություն էր տարածել այն մասին, որ նախասրահում և ննջասենյակում ամբողջությամբ այրվել է գույքը, երկու դուռ և երկու պատուհան:
«Որպես մարդ՝ կարող եմ ասել՝ «Նուբարաշենի» կեսը, եթե ոչ՝ 70-80 տոկոսն ահավոր, սարսափելի, վախվորած վիճակում է ապրում՝ փշի վրա: Բոլորն այդ վիճակի մեջ են: Եթե իմ ձայնը լսող կա, իրենց ձայնը բացարձակապես լսող չկա: Այդ մարդիկ կորած մարդիկ են: Եվ ես, ճիշտն ասած, իմ դժգոհությունն էի հայտնել դիտորդական խմբին, որ իրենք ուղղակիորեն, բառացիորեն ոչ մի ներգործություն չունեն: Այդտեղ ոչ թե կալանավայր է, այլ, այսպես ասած՝ սպանդանոց: Ամեն մարդ օրվա ընթացքում 100 անգամ մեռնում-սաղանում է»: Նա նշեց, որ իր նկատմամբ բռնություն գործադրած անձինք պարտադիր պետք է պատժվեն. «Նրանք ինձ նվաստացրել են՝ հողին հավասար»:
Շենգավիթ վարչական շրջանի ընդհանուր իրավասության դատարանում մեկնարկել է Վարդգես Գասպարիի վերաբերյալ քրեական գործի քննությունը։ Գասպարին դատարան էր ներկայացվել համապաստասխան աշխատակիցների ուղեկցությամբ։ Նախագահող դատավոր Նելլի Բաղդասարյանը հրապարակեց վերաքննիչ դատարանի որոշումն այն մասին, որ վերաքննիչ դատարանը որոշել է բեկանել առաջին ատյանի դատարանի որոշումը Վարդգես Գասպարիին կալանավորելու մասին։ Որոշումը հանձնվեց նաև ուղեկցողներին, ում դատավորն ասաց, որ նրանք ազատ […]
Վերաքննիչ դատարանի որոշումը ստանալուց հետո քրեակատարողական հիմնարկի ղեկավարությունը պարտավոր է ազատ արձակել Վ. Գասպարիին:
Փաստաբաններն ավելի վաղ նշել էին, որ ծանուցագիր են ստացել այն մասին, որ բողոքի քննությունը նշանակված է 17:30-ին:
Կառավարության շենքի և նախագահական նստավայրի մոտից երեկ ոստիկանություն բերման է ենթարկվել 9 քաղաքացի:
Փաստաբան Երվանդ Վարոսյանը մեզ հետ զրույցում ասաց, որ վաստակավոր արտիստ, ժողովրդական արտիստ, պատվավոր անդամ, լավագույն դատավոր մրցանակաբաշխություններն իմաստազուրկ են և խորհրդային մտածելակերպի մնացուկ։
Մեղադրող Հայկ Հարոյանն ասաց, որ քրեական գործով ձեռք բերված այս կամ այն ապացույցի թույլատրելի կամ ոչ թույլատրելի լինելու մասին եզրահանգման հնարավոր է հանգել միայն ապացույցները հետազոտելուց հետո և այն պայմաններում, երբ դրանք հնարավոր կլինի գնահատել իրենց համակցության մեջ: Դրանից հետո է միայն հնարավոր պարզել ապացույցի նշանակությունը, խախտումով ձեռք բերված լինելու փաստը և մյուս հանգամանքները, որոնք բարձրաձայնվեցին ամբաստանյալի պաշտպանի կողմից:
Գլխավոր դատախազությունը հանձնարարել է ՀՔԾ-ին նյութեր նախապատրաստել Վարդգես Գասպարիի կողմից հայտնած տեղեկությունների հիման վրա: Հիշեցնենք, որ Մարդու իրավունքների պաշտպան Արման Թաթոյանը դիմել էր դատախազություն՝ Վարդգես Գասպարիի կողմից հայտնած տեղեկությունների հիման վրա վարույթ նախաձեռնելու առաջարկով:
ՀՀ կառավարության որոշմամբ՝ Արդարադատության նախարարությանը հատկացվեց 4900 եվրոյին համարժեք դրամ:
ՀՀ վարչապետ Հովիկ Աբրահամյանն առաջարկեց հետևություններ անել և օրենքի շրջանակներում պատասխանատվության ենթարկել նրան, ում սխալ ծախս իրականացնելու պատճառով խնդիրներ ենք ունենում:
«Այս մոտեցումն ամրագրված է նաև Դաշնակցության և Հանրապետական կուսակցության քաղաքական համաձայնագրում, այն բխում է նաև հանրապետության նախագահի փետրվարի 12-ի ելույթից, և դա նշանակում է, որ մենք պետք է այս ուղղությամբ վերանայենք քաղաքականությունը, որից նաև պետք է բխեցնենք կոնկրետ մարմինների լիազորությունների հստակեցումը և կոնկրետ գործողությունները, գործիքակազմը»:
«Երևի ժամանակն է, որ մենք շատ ավելի մեծ ուշադրություն դարձնենք որակի պրոբլեմներին: Դրա համար խնդրում եմ մեկ-երկու շաբաթ, որպեսզի ես կարողանամ հասկանալ՝ ինչ վիճակում ենք այսօր, ինչ մակարդակի վրա է ընթացքը, որից հետո մամլո ասուլիսով շատ հստակ ամեն հարց կկատարվի»,- այս մասին այսօր կառավարության նիստի ավարտից հետո լրագրողների հետ զրույցում ասաց ՀՀ կրթության և գիտության նորանշանակ նախարար Լևոն Մկրտչյանը:
ՀՀ վարչապետ Հովիկ Աբրահամյանն ասաց. «Քաղաքացին տարին մեկ մեքենա կարող է ներկրել իր օգտագործման համար և ազատում ենք: Օրենքով դա պիտի ազատվեր 2017թ. հունվարի 1-ից: Հիմա մենք կրճատում ենք այդ ժամկետը»:
«Աշխատելու եմ, աշխատելու եմ շատ, որպեսզի կարողանանք մեր պետությունում այն բազմաթիվ հարցերը, որոնք կան ձևավորված, բազմաթիվ դժվարությունները, որոնք այսօր ունի մեր երկիրը, կարողանանք համատեղ աշխատանքի արդյունքում հաղթահարել»,- ասաց Դավիթ Լոքյանը:
Մարդու իրավունքների պաշտպանի գրասենյակը ստացել է անազատության մեջ գտնվող Վարդգես Գասպարիի պաշտպանի ահազանգը: ՀՀ մարդու իրավունքների պաշտպան Արման Թաթոյանը կառավարության նիստի ավարտից հետո լրագրողների հետ զրույցում ասաց, որ արագ արձագանքման խումբն այցելել է «Նուբարշեն» քրեակատարողական հիմնարկ, տեսակցել է Վարդգես Գասպարիին: Արման Թաթոյանն ասաց, որ դիմել է գլխավոր դատախազին՝ Վարդգես Գասպարիի կողմից հայտնած տեղեկությունների հիման վրա վարույթ նախաձեռնելու առաջարկով:
ՀՀ կառավարության նիստի ավարտին վարչապետ Հովիկ Աբրահամյանը շնորհակալություն հայտնեց ՀՀ կրթության և գիտության նախկին նախարար Արմեն Աշոտյանին և էկոնոմիկայի նախկին նախարար Կարեն Ճշմարիտյանին: Հովիկ Աբրահամայանն ասաց, որ այս ժամանակահավածում միասին կատարած աշխատանքը շատ բարձր և արդյունավետ է գնահատում:
ՀՀ կառավարության այսօրվա նիստի ընթացքում վարչապետ Հովիկ Աբրահանյանը շնորհավորեց նորանշանակ նախարարներին:
Կառավարությունը հաստատեց նրանց աշխատանքից ազատելու մասին որոշումը: Վարչապետ Հովիկ Աբրահամյանը շնորհակալություն հայտնեց նրանց՝ համատեղ աշխատանքի համար:
