Վերաքննիչ քրեական դատարանը վերացրել է առաջին ատյանի դատարանի՝ Վ. Գասպարիին կալանավորելու մասին որոշումը
Վարդգես Գասպարիին կալանավորելու որոշման դեմ բողոքը քննվել է դռնբաց նիստում: 168.am-ի հետ զրույցում ՀՀ դատական դեպարտամենտի հասարակայնության հետ կապերի և արարողակարգի վարչության պետ Արման Խաչատրյանը փոխանցեց, որ վերաքննիչ քրեական դատարանը որոշում է կայացրել վերացնել առաջին ատյանի դատարանի որոշումը:
Նշենք, որ Շենգավիթ վարչական շրջանի իրավասության դատարանը փետրվարի 19-ին որոշում էր կայացրել Վարդգես Գասպարիին կալանավորելու մասին և նրան տեղափոխել էին «Նուբարաշեն» քրեակատարողական հիմնարկ:
Վերաքննիչ դատարանի որոշումը ստանալուց հետո քրեակատարողական հիմնարկի ղեկավարությունը պարտավոր է ազատ արձակել Վ. Գասպարիին:
