Բողոքի ակցիայից բերման է ենթարկվել 9 քաղաքացի
Կառավարության շենքի և նախագահական նստավայրի մոտից երեկ ոստիկանություն բերման է ենթարկվել 9 քաղաքացի: 168.am-ի հետ զրույցում ՀՀ ոստիկանության հասարակայնության հետ կապի և լրատվության վարչությունից հայտնեցին, որ 3 քաղաքացի բերման է ենթարկվել ոստիկանության Արաբկիրի, 6-ը՝ Կենտրոնի բաժին: Նրանց նկատմամբ վարչական իրավախախտումների վերաբերյալ արձանագրություն է կազմվել՝ վարչական իրավախախտումների վերաբերյալ օրենսգրքի 182-րդ հոդվածով՝ ոստիկանության ծառայողի օրինական պահանջը չկատարելը:
Նշենք, որ երեկ մի խումբ քաղաքացիներ ի պաշտպանություն կալանավորված Վարդգես Գասպարիի ակցիա էին իրականացնում՝ պառկելով գետնին:
