«Վերնագիրն իմ կարծիքով՝ և´ պոետիկ է, և´ լուսանկարչական է, իր մեջ պաուզա ունի, որն ինձ շատ դուր է գալիս: Առհասարակ շատ տարբերակներով կարելի է մեկնաբանել, բայց որ եռագույնը չեմ գունաթափել, դա վստահ կարող եմ հաստատել: Ինչպես ընկերս՝ Հովհաննես Երանյանը, նկատեց՝ եռագույնին ևս երկու գույն ենք ավելացրել՝ սևը և սպիտակը…»:
Ակամա փորձում ես համադրել նորանշանակ վարչապետի բոլորովին վերջերս հնչեցրած խոստումներն ու հորդորներն այն մասին, թե նորընտիր կառավարությունը որդեգրելու է առավելապես թափանցիկ աշխատելու սկզբունքները, ու հանկարծ բոլորի համար անսպասելի՝ քաղաքի կենտրոնում պայթեցվում է հերթական հին երևանյան կառույցը:
«Հայկական եկեղեցին կրոնական տուրիզմի ջատագով է և բաց է բոլոր այն տուրիստական ընկերությունների համար, որոնք կունենան առաջարկներ կրոնական տուրիզմը զարգացնելու նպատակով: Իհարկե, Հայաստանն իր բնաշխարհով շատ գեղեցիկ է, բայց իր ուրույն տեղն ունի նաև կրոնական տուրիզմը: Եկեղեցին լրջորեն մտածում է այդ ոլորտի զարգացման մասին: Զբոսաշրջիկին պետք է ծանոթացնել ոչ միայն վանքերի քարերը, այլ նաև եկեղեցու բովանդակությունը»:
«Պապիկիս երազը» պատմում է երազների աշխարհը կառավարելի դարձնելու մի հնագույն տեխնիկայի մասին, որի վերաբերյալ հազարամյակներ շարունակ նախընտրել են լռել: Գուցե պատահական չէր պապիկի կերպարում 20-րդ դարի մեծանուն միստիկ, փիլիսոփա և կոմպոզիտոր` ծագումով հայ-հույն Գեորգի Գյուրջիևի ընտրությունը, հատկապես, երբ ֆիլմի պրեմիերային հավաքված մարդիկ եկել են ոչ թե գեղարվեստական ֆիլմ դիտելու, այլ հեղինակի երազում հայտնվելու:
«Մշակույթի նախարարությունը մշտապես աջակցել և աջակցում է նմանատիպ ծրագրերին, բայց այստեղ մեր մոտեցումը մի փոքր այլ էր՝ ելնելով այն սկզբունքից, թե ո՞ր արվեստագետի, և ո՞ր երաժշտի մասին է խոսքը: Միքայել Թարիվերդիևի երաժշտությանը Երևանում և առհասարակ Հայստանում ներկայացնելու մոտեցումը Մշակույթի նախարարության մոտ նոր չէ, Միքայել Թարիվերդիև բարեգործական ֆոնդի հետ մենք բավական վաղուց ենք աշխատում»:
Կաննի փառատոնի մրցանակակիրը երկու անգամ առաջադրվել է «Օսկարի», իսկ կարիերայի սկզբում նրա նկարազարդումներն ու կոմիքսները տպագրվում էին «The New York Times», «Vogue», «Vanity Fair» և «Rolling Stone» հեղինակավոր ամսագրերում։ 80-ականներին ռեժիսոր-անիմատորը «MTV» հեռուստաընկերության համար նկարում էր ծաղրանկարների շարք՝ այդ կերպ երաժշտական ալիքին հաղորդելով յուրահատուկ, սատիրիկ և փոքր-ինչ սյուրռեալիստական երանգ։
2016 թ. հոկտեմբերի 28-ին՝ ժամը 15:00-ին, Հայաստանի ազգային պատկերասրահում տեղի կունենա գեղանկարչուհի Արփենիկ Նալբանդյանի ծննդյան 100-ամյակին նվիրված հոբելյանական ցուցահանդեսի բացումը: Արփենիկ Նալբանդյանը ծնվել է 1916 թ. Վրաստանում, մասնագիտական կրթություն ստացել Թիֆլիսի Գեղարվեստի ակադեմիայում: 1941թ. ամուսնանալով Էդուարդ Իսաբեկյանի հետ` Նալբանդյանը տեղափոխվել է Երևան և ներգրավվել երկրի մշակութային կյանքում:
«Առաջին խնդիրը, որ ծառացավ մեր առջև, տնտեսական էր, որովհետև Հալեպի ամենահայաշատ թաղամասը՝ Նոր Գյուղը, գտնվելով սահմանամերձ շրջանում, գրավվեց ահաբեկիչների կողմից և ամենաշատ ռմբակոծության ենթարկված տարածքներից մեկը դարձավ:
Հարցին ի պատասխան՝ արդյո՞ք չկա մտավախություն այն առնչությամբ, որ նոր Կառավարությունը նորանշանակ վարչապետի գլխավորությամբ կդադարեցնի հին ավանդույթներն ու իր հովանու տակ չի վերցնի «Ի՞նչ, որտե՞ղ, ե՞րբ» խաղի անցկացումը, բանախոս Արմեն Աշոտյանն ասաց.
Այս պահին հայտերի ամփոփումն արդեն ավարտված է. «Առաջնությանը մասնակցելու հայտ են ներկայացրել և մասնակցելու են մոտ 400 գիտակներ, 56 թիմեր՝ աշխարհի 24 երկրներից, այդ թվում՝ ԱՄՆ-ից, Կանադայից, Գերմանիայից, Մեծ Բրիտանիայից, Իռլանդիայից, Իսրայելից, ինչպես նաև նախկին Խորհրդային Միության գրեթե բոլոր երկրներից, բացառությամբ՝ Տաջիկստանից, Ղրղըզստանից և Ադրբեջանից»:
«Տարիներ շարունակ Հալեպի ժողովուրդը նեղություն չի քաշել, մանավանդ տեղի հայությունն իր հեղինակությունն ու պատիվն է ունեցել այդ երկրում: Հայն այնտեղ հարգանք, եկեղեցի, դպրոցներ ու ակումբներ ուներ, ինչի համար մինչև հիմա էլ փառք ենք տալիս Աստծուն: Վերջին վեց տարիները՝ սկսյալ 2011 թվականից, քաղաքի վիճակը գնալով վատացավ, սարսափելի դաժան օրեր ունեցավ հայությունը»,- այսօր հրավիրված ասուլիսի ընթացքում պատմում էին մեկ շաբաթ առաջ Սիրիայից Հայաստան եկած սիրիահայ ամուսիններ Ժան և Գոհար Գալստյանները:
Որևէ մեկին չեմ ցանկանա վիրավորել, բայց և՛ Ռուսաստանը, առավել ևս՝ Հայաստանը նորաձևության ոլորտի առաջատարներ լինելուց չափազանց հեռու են:
Նոր ալբոմի շապիկի դիզայնի հեղինակն Արվին Քոչարյանն է: Ալբոմն անվանվել է «Գունատ սոխակ», որովհետև սոխակի երգը համարվում է ամենագեղեցիկ ձայներից մեկը բնության մեջ, սակայն, ըստ բանախոսների, ժամանակի ընթացքում նվազել է թռչունների երգը: Ալբոմի շապիկին սոխակն արտահայտված է աղջկա տեսքով, ով շղարշի միջոցով թաքնվում է աշխարհից:
«Այն ամենը, ինչ մենք կատարում ենք, մեզ համար սիրելի է։ Խմբում հայտնի, ինչպես նաև հազվադեպ գործիքներ են ներառված՝ բաս-կլառնետ և բաս-սաքսոֆոն, դհոլներ, արաբական դահիրա, դուդուկ ու զուռնա, ունենք նաև առանց լադերի կիթառ: Առհասարակ մեր պրոպագանդած երաժշտությունը որոշակի ուղերձ ունի։ Կոմպոզիցիաները վառ են, զգացմունքային, քնարական։ Քանի որ կոլեկտիվի կատարած ժանրը հատուկ պրոֆեսիոնալիզմ է պահանջում, բենդի հետ մենակատարները քիչ են ներառվում»,- ասում է նա:
Այսօրվանից մեկնարկում է անալոգայինից թվային հեռուստահեռարձակմանն անցնելու գործընթացը: Այս մասին հայտնի դարձավ այսօր կազմակերպված մամուլի ասուլիսի ընթացքում, որին մասնակցում էին ՀՀ տրանսպորտի, կապի և տեղեկատվական տեխնոլոգիաների նախարարի առաջին տեղակալ Արթուր Առաքելյանն ու «Հայաստանի հեռուստատեսային և ռադիոհաղորդիչ ցանց» ՓԲԸ գլխավոր տնօրեն Գրիգոր Ամալյանը:
«Տարվա այս եղանակին սպիրոմետրիա անելու անհրաժեշտությունը մեծանում է: Սպիրոմետրիա բառացի նշանակում է՝ շունչ չափել, և դա առաջին բանն է, որ պետք է անել թոքերի հիվանդությունները հայտնաբերելու համար: Դա մեզ հնարավորություն է տալիս հնարավորինս վաղ տեղեկանալ թոքերի հետ կապված այս կամ այն հիվանդության առկայության մասին»:
Աշխարհահռչակ շանսոնիե Շառլ Ազնավուրն այս օրերին Բոստոնում է և պատրաստվում է իր հերթական մենահամերգին՝ երկրորդը 18-օրյա ամերիկյան տուրում: Ավելի վաղ երգիչն իր ֆեյսբուքյան պաշտոնական էջում գրառում էր կատարել՝ անկեղծանալով համերգին նախորդող կասկածների մասին:
«Հայաստանում կադրային քաղաքականության մեջ անհնար է խուսափել ծանոթ-բարեկամ ֆորմատով նշանակումներից: Ճիշտ կլիներ, եթե Կարեն Կարապետյանը հայտարարեր, որ կրթության ոլորտում ոչ մի արտոնյալ մարդ չպետք է լինի, այսպես նաև բացառելով շահերի բախումը: Ակնհայտ է, որ վարչապետը մտահոգություն ունի, և այդպես էլ պետք է լիներ, որովհետև ոլորտն իսկապես լուրջ խնդիրների առաջ է հայտնվել, բայց ուղերձը սխալ ուղղությամբ գնաց: Ցանկացած տնօրեն կարող է ասել՝ ինչո՞ւ ձեր բարեկամներին կարելի է բարձր պաշտոնների նշանակել, իսկ ինձ՝ ոչ»:
Ամեն տարի այս օրը Թբիլիսիում տեղի է ունենում նաև արվեստի և սպորտի հայտնի գործիչներին «Թբիլիսիի պատվավոր քաղաքացի» կոչման շնորհում։ Ամեն տարի քաղաքի տոնի առիթով Թբիլիսին դառնում է տոնակատարությունների կենտրոն՝ վերականգնելով 1500 տարվա պատմություն ունեցող մայրաքաղաքի հին ավանդույթներն ու կենցաղը, կազմակերպվում են ազգային մշակույթը ներկայացնող տարբեր միջոցառումներ:
Միաժամանակ Էսքը համարվում է նաև հարավային Ֆրանսիայի կարևորագույն մշակութային կենտրոններից մեկը՝ հայտնի ամենամյա միջազգային օպերային փառատոնի կազմակերպմամբ և անցկացմամբ:
Չափազանց հետաքրքրական էր նաև կոշիկի արտադրություն ներկայացնող կազմակերպությունների թվի մեծացման տենդենցը: Սա, կարծում եմ՝ մեր մոռացված կարևորագույն մասնագիտություններից մեկն է, որ ժամանակին մեծ տեսակարար և որակական կշիռ ուներ մեր արդյունաբերության մեջ:
Խոսելով իր և Ռեյ Չարլզի համագործակցության մասին՝ Դի Դի Բրիջուոթերը հիշում է. «Այն երկու տարիները, որ ես անցկացրի հեռուստաշոուի և նրա հետ, իմ լավագույն տարիներն էին։ Մենք, թեև շատ հազվադեպ, բայց նաև համատեղ համերգներ ենք ունեցել: Նա թույլ էր տալիս, որ ես ընթրեի իր հետ, ներկա լինեի նրա կողքին, երբ ինքը շախմատ էր խաղում, ինքնաթիռում մենք հաճախ միասին էինք նստում:
«Այսօրվա ցուցահանդեսի համար կա մի շատ կարևոր ասպեկտ՝ մրցույթին մասնակից տարբեր երկրներից ժամանած հայ ճարտարապետների ներկայությունը: Նրանցից յուրաքանչյուրի հետևում կանգնած են դարերն ու հազարամյակները և այն կարևոր ավանդական սկզբունքները, որ ունեցել է հայկական ճարտարապետությունը: Այս ամենը կարևոր է նրանով, որ բերում է ազգային մտածողության, որը կարող է օգտակար լինել ցանկացած երկրում ստեղծագործող ճարտարապետին՝ հարստացնելով տվյալ երկրի ճարտարապետությունը»:
«Հոգեպես առողջ մարդը կարողանում է համապատասխան վերաբերմունք դրսևորել հիասթափության, հուսահատության և կյանքի անցանկալի դրսևորումների նկատմամբ: Հոգեպես առողջ մարդիկ կարողանում են վերծանել ու հասկանալ իրենց զգացմունքներն ու մտքերը: Հոգեպես առողջ մարդը հանգիստ է վերաբերվում կոնստրուկտիվ քննադատությանը: Եվ, վերջապես, հոգեպես առողջ մարդը չի վախենում դժվարություններից ու խնդիրներից, որովհետև ընկալում է, որ կյանքը խնդիրների համադրություն է»:
«Աշխարհն իսկապես մտահոգված է այս հիվանդությունների թվի աճով, հատկապես, եթե արդեն 2020 թվականին հոգեկան հիվանդությունները կընդգրկվեն առավել տարածվածների առաջին հնգյակում, իսկ անաշխատունակության արդյունքում առաջացող հոգեկան հիվանդությունները՝ դեպրեսիաները, կլինեն առաջին հորիզոնականում»:
«Երբևէ որևէ մեկը լսե՞լ է, որ ես խաղերով կամ կլկլացնեմ երգեմ, որովհետև չեմ կարող այդպես երգել, ուղղակի ֆիզիկապես չեմ կարող ու շատ ուրախ եմ դրա համար»:
Հոկտեմբերի 8-ին մայրաքաղաքը նշում է «Էրեբունի-Երևան 2798» տոնական միջոցառումը, որի շրջանակներում քաղաքի տարբեր հատվածներում նախատեսված են բազմաբնույթ միջոցառումներ: Քաղաքի ծննդյան օրը մեկնարկել է վաղ առավոտյան՝ Երևանի փողոցներում ջրցան մեքենաների շքերթով, որին հաջորդել է երիտասարդ կամավորների մասնակցությամբ քաղաքի հուշարձանների լվացումը:
«Առաջին անգամ չէ, որ մենք «Արմենիա» հեռուստաընկերության հետ ծրագիր ենք իրականացնում: «Արմենիան» այն առաջատար հեռուստաալիքներից է, որն այսօր հեռարձակում է բարձր որակի կոնտենտ և բավականին հետաքրքիր հեռուստածրագրեր: Այս 6 ալիքներից ես հատկապես կառանձնացնեի «Հայ կինոն» ու «Տունտունիկը», որոնք բացառիկ են հայկական շուկայի համար և ներկայացնում են հայկական մշակույթը: «Տունտունիկը» երեխաներին տալիս է զարգանալու բացառիկ հնարավորություն, որին մենք սպասում էինք»:
Գիտաժողովի ընթացքում ներկայացվեցին Ռ. Դրամբյանի` տարբեր արվեստագետների կողմից ստեղծած դիմանկարները, տեղի ունեցավ հեղինակ Իրինա Դրամբյանի՝ արվեստագետի և հասարակական գործչի հոդվածների համապարփակ ժողովածուի շնորհանդեսը:
«Մեր առաջարկը Մաեստրո Օրբելյանին՝ անակնկալի էր բերել նրան, որովհետև ինքը, բնականաբար, ուներ իր ստեղծագործական ծրագրերը: 2016 թվականի ծրագրերի հետ կապված՝ մեր պայմանավորվածությունը եղել է՝ մոտակա ժամանակաշրջանում նա աշխատելու է համատեղել երկու երկրներում իր աշխատանքային գրաֆիկը: Ուզում եմ տեղեկացնել, որ Օպերային թատրոն ընդունվելու օրվանից ի վեր աշխատանքներն ակտիվ ընթացքի մեջ են եղել, հատկապես, որ մաեստրոն հստակ գիտեր՝ ով ինչպես է երգում, կամ ով ինչ կարող է անել»:
