Թուրքիայում մտադիր են քաղաքացիություն տրամադրել Հայոց ցեղասպանության զոհերի թոռներին. Radikal
Թուրքական Radikal թերթի փոխանցմամբ՝ Հայոց ցեղասպանության վերաբերյալ ապրիլի 23-ին Թուրքիայի վարչապետ Ռեջեփ Էրդողանի արած հայտարարությունից հետո Թուրքիան պատրաստվում է տվյալ հարցում կատարել երկրորդ քայլը: Խոսքը գնում է Հայոց ցեղասպանության զոհերի թոռներին Թուրքիայի Հանրապետության քաղաքացիություն տրամադրելու մասին:
Ընդգծվում է, որ 1915 թվականի պայմաններում բազմաթիվ հայեր հետագայում երբևիցե չեն ստացել Թուրքիայի Հանրապետության քաղաքացիություն կամ էլ հետագայում կորցրել են այն (կամ հրաժարվել են դրանից): Ելնելով դրանից՝ նպատակահարմար է համարվում հայերի թոռներին Թուրքիայի քաղաքացիություն տրամադրելու իրավունքի ճանաչումը:
Նշվում է, որ Թուրքիայում տվյալ (անձնագրի ու ինքնության վկայականի տրամադրման) հարցն առաջին անգամ քննարկվել է այս տարվա հունվարին, Անկարայում: Ներկա դրությամբ տարվում են համապատասխան աշխատանքներ: Դրանով կառավարության որոշմամբ զբաղվում է Թուրքիայի ԱԳՆ-ը:
