Մարգվելաշվիլին հայտնել է, թե որ դեպքում իմաստ ունի Պուտինի հետ իր հանդիպումը
Грузия Online-ի փոխանցմամբ՝ Վրաստանի նախագահ Գիորգի Մարգվելաշվիլին լրագրողների հետ զրույցում հայտարարել է, որ պետք է նախապատրաստել Վրաստանի ու Ռուսաստանի բարձրաստիճան անձանց հանդիպումը ՝ թեև վրացական կողմը դեռ չի հստակեցրել այն հարցերը, որոնք անհրաժեշտ են քննարկել այդ բանակցություններում:
Մարգվելաշվիլին հայտարարել է, որ դրական է ընդունել Վրաստանի ղեկավարության հետ հանդիպելու պատրաստակամության մասին Պուտինի արած հայտարարությունը.
«Եթե առկա է հնարավորություն՝ դրական ազդակ հաղորդելու ռուս-վրացական հարաբերություններին և եթե կա պատրաստակամություն՝ քննարկելու համար լուրջ թեմաներ, ապա դա բնականաբար հիմք է տալիս մտածել այդպիսի հանդիպման հնարավորության մասին: Միայն այդ առումով իմաստալից է նմանատիպ բանակցություններն անցկացնելը»:
Մարտի 14-ին Պրահայում տեղի է ունենալու Վրաստանի ու Ռուսաստանի ներկայացուցիչներ Զուրաբ Աբաշիձեի ու Գրիգորի Կարասինի հերթական հանդիպումը, որի ժամանակ քննարկվելու է երկու երկրների նախագահների հանդիպման հնարավորությունը:
