Տիտղոսայի՞ն, թե՞ ոչ․ UFC-ի նախագահի կոշտ արձագանքը Արման Ծառուկյանի պնդումներին
UFC-ի նախագահ Դանա Ուայթը չի շտապում հաստատել, որ թեթև քաշային կարգում Արման Ծառուկյանի և Մաուրիսիո Ռուֆիի առաջիկա մենամարտը հավակնորդական կարգավիճակ ունի, ինչպես ավելի վաղ պնդում էր հայ մարտիկը:
Թեև Ծառուկյանը վստահեցնում է, որ այս դիմակայությունում հաղթելու դեպքում հաջորդիվ գոտու համար է պայքարելու, կազմակերպության ղեկավարը նախընտրում է իրադարձություններից առաջ չընկնել։
«Ես չեմ սիրում նման բաներ խոսել, քանի դեռ մենամարտը չի ավարտվել։ Արմանը շատ բաներ է ասում, բայց եկեք նախ տեսնենք, թե ինչպես կավարտվի այս ամենը»,- նշել է Ուայթը Sports Central-ին տված հարցազրույցում։
Հիշեցնենք, որ ավելի վաղ Ծառուկյանը հայտարարել էր, թե բրազիլացու հետ մենամարտին համաձայնելիս UFC-ի ղեկավարությունից երաշխիքներ է ստացել. հաղթանակի դեպքում նրա հաջորդ մենամարտը լինելու է տիտղոսային։
Հատկանշական է, որ Ռուֆին նույնպես վստահ է՝ հաջողության հասնելու դեպքում հենց ի՛նքն է պայքարելու չեմպիոնական գոտու համար։
Հայ և բրազիլացի մարտիկների սպասված հակամարտությունը կկայանա Լոս Անջելեսում անցկացվող UFC 331 մրցաշարի շրջանակում։
ArmSport
