Հնարավո՞ր է արդյոք գաստրիտը բուժել ապուրի օգնությամբ. պարզաբանում է բժիշկը
Էնդոկրինոլոգ Մաքսիմ Կուզնեցովը գնահատել է ապուրի բուժիչ հատկությունները ստամոքսի խնդիրների դեպքում: Կարելի՞ է արդյոք գաստրիտը բուժել ապուրի օգնությամբ՝ այս մասին նա խոսել է Տելեգրամի իր ալիքում:
«Ապուրը պարզապես ջրի մեջ պատրաստված սնունդ է։ Այն որևէ հատուկ բուժիչ հատկություն չունի»,- գրել է Կուզնեցովը։
Նա հավելել է, որ ուտեստը չի կարող բարձրացնել իմունիտետը կամ բուժել ստամոքսի հիվանդությունները։
Բժիշկը բացատրել է, որ գաստրիտը առաջանում է Helicobacter pylori բակտերիայից։ Այս հարուցիչը օրգանիզմից վերացնելու համար անհրաժեշտ է հակաբիոտիկների կուրս անցնել, այլ ոչ թե ապուր ուտել, եզրափակել է մասնագետը։
