Նյարդաբանը բացատրել է, թե ինչու են աչքերի առաջ հայտնվում սև բծեր
Ինչո՞վ կարող է պայմանավորված լինել աչքերի առաջ մուգ բծերի ի հայտ գալը, և ո՞ր դեպքում է այս ախտանիշը պահանջում բժշկի դիմել, Sputnik ռադիոյին տված հարցազրույցում բացատրել է նյարդաբան Օլգա Կալմիկովան։
Սովորաբար, պացիենտների աչքի առաջ լողացող բծերը փայլում են, երբ նրանք հանկարծ փոխում են իրենց մարմնի դիրքը կամ ծանրություն բարձրացնում, կիսվել է բժիշկն իր դիտարկումներով: Շատ դեպքերում այս մուգ կետերը վկայում են արյան ճնշման բարձրացման մասին, սակայն դրանք այլ պատճառներ կարող են ունենալ, նշել է նա։
«Ամենից հաճախ դրանք առաջանում են արյան բարձր ճնշման ֆոնին, երբ ուղեղի անոթները սպազմ կամ հիպերտոնիա են ունենում: Բացի դրանից, բծերը կարող են առաջանալ արյան ցածր ճնշման կամ զարկերակային հիպոթենզիայի, աչքի հիվանդությունների, անեմիայի պատճառով: Դրանք կարող են լինել միգրենից կամ շաքարախտից»,- ըստ shantnews-ի՝ թվարկել է Կալմիկովան:
Անհրաժեշտ է խորհրդակցել թերապևտի հետ, եթե աչքերի առջև ամսական ավելի քան 3-4 անգամ հայտնվում են այդպիսի բծեր, զգուշացրել է նա:
«Եթե նման ախտանիշ հաճախ է ի հայտ գալիս, ամսական երեք-չորս անգամից ավելի, դուք պետք է խորհրդակցեք թերապևտի հետ, անցնեք արյան կլինիկական և կենսաքիմիական անալիզներ, ստուգեք ձեր շաքարի մակարդակը, կատարել գլիկացված հեմոգլոբինի ուսումնասիրություն, ինչպես նաև բրախիոցեֆալ անոթների ուլտրաձայնային հետազոտություն։ Ցանկալի է նաև ԷԿԳ անել»,- ըստ shantnews-ի՝ խորհուրդ է տվել ռադիոզրուցակիցը։
Որոշակի հետազոտության համար ուղեգիր տալիս թերապևտը հաշվի կառնի հիվանդի տարիքը և գանգատները, նախկին ախտորոշումները, ինչպես նաև այն դեղերի հատկությունները, որոնք տվյալ անձը ընդունում է, ասաց բժիշկը: Հետազոտությունից հետո կարող է անհրաժեշտ լինել խորհրդակցել այլ մասնագետների՝ սրտաբանի, ակնաբույժի կամ նյարդաբանի, ավելացրել է Կալմիկովան։
