Միշուստինը կարգադրել է բացել Հարավային Օսիայի հետ սահմանը
ՌԴ վարչապետ Միխայիլ Միշուստինը կարգադրություն է ստորագրել Հարավային Օսիայի հետ սահմանը բացելու վերաբերյալ։
«Ռուսաստանը «…» նաեւ հանում է մի քանի մասնագետների համար երկիր մուտքի եւ այստեղից ելքի սահմանափակումները»,- ի հավելումն նշվում է կառավարության մամուլի ծառայության հաղորդագրության մեջ:
Բացի այդ, մուտքը եւ ելքը թույլատրված է ծովային եւ գետային նավերի անձնակազմերի այն անդամներին, որոնք գտնվում են ռուսաստանյան նավահանգիստներում:
Տեղափոխության համար նրանք կարող են օգտագործել ավտոմոբիլային, օդային, երկաթուղային եւ ծովային փուխադրամիջոց:
Նշվում է, որ որոշումն ընդունվել է նավերի անձնակազմերի հերթափոխի հնարավորությունն ապահովելու համար:
Նոր կորոնավիրուսային համավարակի ֆոնին Ռուսաստանը մարտի 27-ից դադարեցրել է կանոնավոր եւ չարտերային ավիահաղորդակցությունը մյուս երկրների հետ: Բացառություն են կազմել այն չվերթերը, որոնցով Ռուսաստանի քաղաքացիներին դուրս են հանում արտասահմանից, իսկ օտարերկրացիներին՝ Ռուսաստանից, ինչպես նաեւ բեռնային, փոստային, սանիտարական եւ մի քանի այլ թռիչքներ:
Իշխանությունները քանիցս ընդգծել են, որ սահմանները բացելու ամսաթիվը կախված է լինելու համաճարաբանական իրադրությունից: Այժմ ռուսաստանցիները հնարավորություն ունեն ուղեւորվել Մեծ Բրիտանիա, Թուրքիա, Տանզանիա, Աբխազիա, Շվեյցարիա, Եգիպտոս, Արաբական Միացյալ Էմիրություններ եւ Մալդիվներ:
Նաեւ որոշում են ընդունել իրենց սահմանները բացել Չեռնոգորիան, Խորվաթիան, Բելառուսը, Սերբիան, Բուլղարիան, Կուբան, Դոմինիկյան Հանրապետությունը եւ Մեքսիկան: Աստիճանաբար Ռուսաստանի հետ հաղորդակցությունը վերսկսում են նաեւ մյուս երկրները:
Այսպես, օգոստոսի 31-ին Լեհաստանը Ռուսաստանին հանել է այն երկրների ցուցակից, որոնց հետ արգելված է ավիահաղորդակցությունը: Սեպտեմբերի 1-ից կարելի է ռուսաստանցիների մուտքը Մոլդովա: Սեպտեմբերի 7-ից թույլատրված է շաբաթը մինչեւ 500 ռուսաստանցիների մուտքը Հունաստան, հաղորդել է ՌԻԱ Նովոստին:
