Առանց iPhone 12-ի․ ինչ կներկայացվի սեպտեմբերի 15-ին

Բյուջետային ժամացույց Watsh SE, առանց շրջանակի iPad Air պլանշետ, նոր ականջակալներ և այլն:

Սեպտեմբերի 15-ին, տեղի կունենա Apple-ի նոր ապրանքների աշնանային շնորհանդեսը: Սովորաբար iPhone-ները ցուցադրվում են տարվա այս հատվածում, բայց հավանաբար 2020 թվականը խախտելու է այդ ավանդույթը: Ահա թե ինչ կարող է ներկայացնել Apple-ը երեքշաբթի օրը:

IPhone 12-ի անոնսը քիչ հավանական է

Անգամ նախքան Apple-ը կհայտարարեր անոնսի օրը, համացանցում լուրեր էին տարածվել iPhone 12-ի նոր մոդելների հետաձգման մասին: Եվ հենց օրերս Bloomberg-ը, վկայակոչելով իր աղբյուրները, հաստատեց այս տեղեկությունը. սեպտեմբերի 15-ին սմարթֆոններ չպետք է սպասել: Ավելի վաղ այդ մասին հայտնել էր Ջոն Պրոսերը, համաձայն որի՝ նոր iPhone-ը կներկայացվի հոկտեմբերի 12-18-ը:

Այնուամենայնիվ, վաղը դեռ հնարավորություն կա տեսնել նոր Apple սմարթֆոններ: Հնարավոր է սցենար, որի ընթացքում արտադրողը iPhone-ը կցուցադրի սեպտեմբերի 15-ին, բայց դրանք վաճառքում կհայտնվեն միայն հոկտեմբերին: Նման պլանների մասին լուրերը նույնպես ավելի վաղ էին հայտնվել:

Apple Watch Series 6 և բյուջետային Watch SE

Խելացի ժամացույցի անոնսը շատ ավելի հավանական է թվում, հատկապես, եթե նայենք անոնսի կարգախոսին («Ժամանակը թռչում է»): Եվ այս անգամ մեզ սպասում է ոչ միայն Watch Series-ի նոր սերունդը, այլև զարգացող երկրների շուկաներին ուղղված առաջին ցածր գնով մոդելը: Երկուսն էլ պետք է հասանելի լինեն երկու չափով:

Apple Watch Series 6-ը կարող է հագեցած լինել արյան մեջ թթվածնի քանակը չափելու գործառույթով, ինչն օգտակար կլինի բոլոր մարզիկների և նրանց համար, ովքեր անընդհատ հետևում են իրենց առողջությանը: Բացի այդ, հարմարանքը պետք է ստանա ավելի տարողունակ մարտկոց՝ երկարացնելով մարտկոցի կյանքը։

iPad Air 4՝ նեղ շրջանակներով

IPad Air-ի նոր սերնդի մասին խոսակցությունները վերջին ժամանակներս նույնպես աճում են: Առավել ուշագրավ տեղեկությունները հաստատում են, որ նոր արտադրանքը կստանա նույն նեղ շրջանակային էկրանը, ինչպես առաջատար iPad Pro մոդելները: Այս փոփոխությունը հանգեցրեց Touch ID մատնահետքի սկաների տեղափոխմանը սարքի վերին մաս։

AirPods X և Studio ականջակալներ

Բացառված չէ AirPods X և Studio ֆիրմային ականջակալների նոր մոդելների հայտարարությունը, որոնք նշվել էին դեռ այս տարվա մայիսին: Առաջինը պետք է նման լինի ժամանակակից BeatsX-ին և նախատեսված է սպորտային և բացօթյա գործունեության համար:

Երկրորդ մոդելն առաջատար լիարժեք ականջակալներն են՝ ակտիվ աղմուկը չեղարկող համակարգով: Դրանք ներկայացված են երկու տարբերակով՝ պրեմիում՝ կաշվենման գործվածքով, և ֆիթնես՝ ավելի թեթև, ավելի շնչող:

Apple One-ի միասնական բաժանորդագրություն

Բոլոր սարքերից հետո Apple-ը կարող է ներկայացնել մեկ բաժանորդագրություն ֆիրմային ծառայությունների համար, որը կկոչվի Apple One: Դրա հիշատակումն արդեն հայտնաբերվել է Android-ի համար նախատեսված Apple Music հավելվածի վերջին տարբերակի ծածկագրում:

Այս բաժանորդագրության գաղափարը հաճախորդներին հրապուրելն է՝ ավելի ցածր գնով բաժանորդագրվել բազմաթիվ ծառայությունների: Առաջարկվելու են մի քանի փաթեթներ. հիմնական փաթեթը պետք է ներառի Apple Music և Apple TV +, մինչդեռ ավելի թանկերը լրացվելու են Apple Arcade, Apple News + և iCloud բոնուսներով:

Սիրարփի Աղաբաբյան