Սուպերմոդելը փորձել է նույն հագուստը, որը կրել է 30 տարի առաջ
Դանիացի սուպերմոդել Հելենա Քրիսթենսենը զարմացրել է երկրպագուներին 90-ականների իր կերպարով: Հայտնի մոդելը փորձել է նույն բոդին, որը նա կրել է 30 տարի առաջ: Քրիսթենսենը լուսանկարները հրապարակել է Ինստագրամի իր էջում:
51-ամյա մոդելը նկարահանվել է ընձառյուծի նախշերով հանդերձանքով, որի վրա իր դիմանկարն է տպագրված: Վերջինիս խոսքով՝ հագուստն իրեն է նվիրել իր սիրելի դիզայներ Քրիսթիան Լակրուան:
Հելենան նույն հանդերձանքը կրել է Փարիզում կայացած նորաձևության ցուցադրություններից մեկի ժամանակ, երբ մոտ 20 տարեկան է եղել:
«Ինչ-որ կերպ այն գոյատևեց այս տարիների ընթացքում, և ես դեռ կարծում եմ, որ այն հրաշալի է»,- գրել է Քրիսթենսենն իր հրապարակմանը կից:
Պատրաստեց Անի Գաբուզյանը
