Ապրիլ 25, 2018

ՀՀ վարչապետի պաշտոնակատար Կարեն Կարապետյանն աշխատանքից ազատել է Հայաստանի Հանրապետության տնտեսական զարգացման և ներդրումների նախարարի տեղակալ Էմիլ Տարասյանին: 

Սերժ Սարգսյանի երրորդ կառավարման դեմ ընթացող «Իմ քայլը» նախաձեռնության խաղաղ անհնազանդության ցույցերն ավարտվեցին վարչապետի հրաժարականով, սակայն արդեն այսօր փոխվարչապետի ժամանակավոր պաշտոնակատար Կարեն Կարապետյանի և «Իմ քայլը» նախաձեռնության առաջնորդ, ԱԺ պատգամավոր, «Ելք» խմբակցության ղեկավար Նիկոլ Փաշինյանի չկայացած երկխոսության ֆոնին հանրապետությունում կրկին լարված մթնոլորտ է:

ԱՄՆ-ի նախագահ Դոնալդ Թրամփն աշխատանքային այցով Մեծ Բրիտանիա կժամանի հուլիսի կեսին:

ՀՀ Ազգային ժողովը 2018թ. մարտի 23-ին ընդունեց «ՀՀ քրեական դատավարության օրենսգրքում փոփոխություններ և լրացումներ կատարելու մասին» ՀՀ օրենքը, որով սահմանափակվեց քննչական գործողություններին ընթերակայի մասնակցությունը և նախատեսվեց քննչական գործողությունների կատարման ընթացքում տեխնիկական միջոցների կիրառմանը ներկայացվող լրացուցիչ պահանջներ։

«Այն անձը, անկախ նրանից՝ անուն-ազգանունը ինչ կլինի, նա ով կլինի, նա պետք է հաշվի նստի «Ծառուկյան» դաշինքի նախընտրական ծրագրի հետ։ Այն անձը, ով կտա այդ ծրագիրը կյանքի կոչելու իրատեսական խոստումներ, ողջամիտ հավաստիացումներ, մեզ համար ընդունելի կլինի այդ թեկնածությունը»։

«Հարգելի քաղաքացիներ, իմ հրաժարականի մասին տեղեկատվությունը չի համապատասխանում իրականությանը»

Այն, ինչ կատարվեց Հայաստանում, ֆանտաստիկ էր, եւ անկեղծ ասած՝ ինձ համար էլ էր անսպասելի: Նման հայտարարություն է տարածել ՀՀ Հանրային խորհրդի նախագահ Վազգեն Մանուկյանը:

Այդ կերպ իշխանական համակարգը փորձում է ինչ-որ լուծումներ գտնել, որովհետև այս պահի դրութամբ նրանք լուծումներ չեն գտնում, Երևանում կրկին զանգվածային ցույցեր են տեղի ունենում, և կրկին կազմալուծվել է ամբողջ տնտեսական համակարգը։

ՀՀ վարչապետի պաշտոնակատար Կարեն Կարապետյանի որոշմամբ՝ Արման Խաչատրյանն ազատվել է տրանսպորտի, կապի և տեղեկատվական տեխնոլոգիաների նախարարի տեղակալի պաշտոնից: 

Քիչ առաջ Նիկոլ Փաշինյանը հավաքի մասնակիցներին տեղեկացրեց, որ 2 ժամով հեռանում է, քանի որ մի քանի կարևոր հանդիպումներ ունի:

Մարդու իրավունքների պաշտպանի կողմից արտակարգ ռեժիմով աշխատանքի պայմաններում գործադրվում են ցուցարարների և այլ քաղաքացիների իրավունքների լիարժեք իրացումն ու պաշտպանությունն ապահովելուն ուղղված առավելագույն ջանքեր:

Վարչապետի պաշտոնակատար Կարեն Կարապետյանն ընդունել է Հայաստանում ԱՄՆ արտակարգ և լիազոր դեսպան Ռիչարդ Միլսին: Զրուցակիցները քննարկել են Հայաստանի ներքաղաքական իրավիճակին առնչվող մի շարք հարցեր:

Կարեն Կարապետյանը հրաժարական չի տվել վարչապետի պաշտոնակատարի պաշտոնից։ Այս մասին շրջանառվող լուրերը 168.am-ի հետ զրույցում հերքեց Կ.Կարապետյանի մամլո խոսնակ Արամ Արարատյանը։

ԱԺ-ում լրագրողների հետ զրույցում, անդրադառնալով հարցին` եթե իշխանափոխություն լինի, իր կապիտալը դուրս կտանի՞, ԱԺ պատգամավոր Սամվել Ալեքսանյանը պատասխանեց. «Իմ դեմքից երևո՞ւմ է, որ ես կապիտալ դուրս տանող եմ: Ես մի հատ թերթի բուդկա ունե՞մ դրսում»:

Ապրիլի 24-ին, ժամը 9.45-ին, ՀՀ ԱԻՆ Արարատի մարզային փրկարարական ծառայությունից ոստիկանության Արտաշատի բաժնում հաղորդում է ստացվել, որ Արաքսավան գյուղի ջրատարն ավտոմեքենա է ընկել:

«Ռուսաստանը Հայաստանում վախենալու բան չունի, քանի որ Հայաստանն Ուկրաինա չէ, միևնույն է՝ ով կհաղթի, միևնույն է՝ հաղթողը պայմանավորվելու է Ռուսաստանի հետ, և ենթադրվում է, որ պետք է այն նշաձողով առաջնորդի հայ-ռուսական հարաբերությունները, ինչ նախորդները»:

Հայաստանի Հանրապետության նախագահ Արմեն Սարգսյանը շարունակում է խորհրդակցություններն ու հեռախոսազրույցները խորհրդարանական եւ արտախորհրդարանական քաղաքական ուժերի ներկայացուցիչների հետ՝ քննարկելով երկրում ստեղծված իրավիճակը եւ հանգուցալուծման ուղիները:

Տիգրան Մեծ պողոտայում քայլերթի ժամանակ «Քաղաքացիական պայմանագիր» կուսակցության նախագահ Նիկոլ Փաշինյանն ասաց, որ իրենց է միացել ոստիկանության կապիտան Գարիկ Թովմասյանը:

ՀՀ Գիտությունների ազգային ակադեմիան հանդես է եկել հայտարարությամբ՝ կապված Հայաստանում տեղի ունեցող վերջին իրադարձությունների հետ:

Ոստիկանությունը ապաքաղաքական կառույց է և չի հարում ու չի կարող հարել այս կամ այն շարժումների ու քաղաքական միավորների: Ոստիկանությունը պետության հիմնասյուներից է, պետականության, երկրի կայունության ու ներքին անվտանգության երաշխավորը և գործում է օրենքներով ու օրենքի շրջանակում:

«Լիվերպուլի» գլխավոր մարզիչ Յուրգեն Կլոպը մեկնաբանել է «Բավարիայի» կողմից իր նկատմամբ հետաքրքրության մասին շշուկները:

ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում ստացվել և վարույթ է ընդունվել ապրիլի 22-ին Էրեբունի և Նոր-Արեշ 26-րդ փողոցների խաչմերուկում դիմակավորված անձանց կողմից քաղաքացիների վրա հարձակվելու և բռնություն գործադրելու դեպքի առթիվ հարուցված քրեական գործը։

2018 թվականի ապրիլի 25-ին իրավապաշտպան հասարակական կազմակերպությունները շարունակում են ահազանգեր ստանալ խաղաղ հավաքի մասնակիցների նկատմամբ հետապնդումների մասին:

Այսօր, ՀՀ Ազգային ժողովի պատգամավոր Նիկոլ Փաշինյանը` իր գլխավորած երթի ժամանակ տեղեկացրել է, թե իբր փակվել է Բագրատաշենի մաքսատունը: Հայաստանի Հանրապետության պետական եկամուտներ կոմիտեն պաշտոնապես հայտարարում է, որ այս պահի դրությամբ, ոչ միայն Բագրատաշենի, այլ նաև հանրապետության մյուս բոլոր մաքսակետերը բնականոն գործունեություն են իրականացնում:

«Վարչապետի պաշտոնից Սերժ Սարգսյանի հրաժարականից հետո մենք ՀՀԿ գործադիր մարմնի կամ խորհրդի նիստ չենք գումարել, որ նման հարց քննարկենք։ Բնականաբար, եթե գումարվի, պետք է քննարկվեն տարբեր հարցեր։ Դա մենք կքննարկենք գործադիրի նիստում, երբ գումարենք այն»:

Ապրիլի 25-ին, ժամը 10:59-ին «911» ծառայությանն ահազանգ է ստացվել, որ Երևան քաղաքի Շիրակի փողոցի թիվ 43 հասցեում գտնվող կահույքի սրահի մոտակայքում տեղի է ունեցել ՃՏՊ, կա արգելափակված տուժած. անհրաժեշտ է փրկարարների օգնությունը:

Հայաստանի Հանրապետությունում Միացյալ Նահանգների դեսպանությունը հերքել է հայկական որոշ լրատվամիջոցներում տարածվող տեղեկատվությունը ԱՄՆ մուտքի վիզայի պահանջների փոփոխության մասին:

Այս պահին փակ են մայրաքաղաքի մի շարք փողոցներ, մասնավորապես՝ Սայաթ-Նովա-Խանջյան խաչմերուկը, Սայաթ-Նովա-Թումանյան խաչմերուկը, Աբովյան-Սայաթ Նովա խաչմերուկը, Կոմիտաս-Գյուլբենկյան խաչմերուկը, Հրաչյա Քոչար, Վաղարշյան փողոցները, Բաղրամյան պողոտայի մի հատվածը, Հերացի փողոցի մի հատվածը, Մաշտոցի պողոտան, Տերյան-Իսահակյան խաչմերուկը և այլն։ Խանջյան-Սայաթ-Նովա խաչմերուկում ցուցարարները բարձր երաժշտություն էին միացրել և պարում էին։

Քաղտեխնոլոգ Կարեն Քոչարյանը Հայաստանում նոր ընտրություններն անխուսափելի է համարում, սակայն, ըստ քաղտեխնոլոգի, անորոշ է, թե ով է կազմակերպելու այս ընտրությունները:

ՀՀ ոստիկանության հասարակայնության և լրատվության վարչության պետ Աշոտ Ահարոնյանը ֆեյսբուքյան իր էջում գրում է. «Սոցցանցի որոշ օգտատերեր ոստիկանության ծառայողների անձնական էջերից կամ ոստիկանության պաշտոնական կայքից վերցնելով ոստիկանության ծառայողների լուսանկարները` դրանք օգտագործում են ապատեղեկատվություն տարածելու և կեղծ մթնոլորտ ստեղծելու համար: