Էրդողանը և Թրամփը կհանդիպեն մայիսի 16-17-ին
Թուրքիայի և ԱՄՆ նախագահներ Ռեջեփ Թայիփ Էրդողանը և Դոնալդ Թրամփը մայիսի 16-17-ին հանդիպում կունենան: Այդ մասին թուրքական A News-ին տեղեկացրել է անձամբ Թուրքիայի առաջնորդը:
«Մենք ԱՄՆ նախագահ Դոնալդ Թրամփի հետ կհանդիպենք մայիսի 16-17-ին»,- ասել է նա: Թե որտեղ տեղի կունենա հանդիպումը` չի նշվում:
Ավելի վաղ, Թուրքիայի արտաքին գործերի նախարար Մևլութ Չավուշօղլուն տեղեկացրել է երկու երկրների նախագահների` մինչ մայիսի 25-ին նախատեսված ՆԱՏՕ-ի գագաթնաժողովը հանդիպելու ծրագրերի մասին:
