Պարբերականի տեղեկություններով՝ այդ հարցով պաշտոնական առաջարկություն Գերմանիայի կառավարությունը կանի արդեն հուլիսին: Այն ներառելու է եվրոպական միասնական գլխավոր շտաբի ստեղծման պլաններ՝ ԵՄ գործողությունները կոորդինացնելու համար, ինչպես նաև ռազմական տեխնիկայի համատեղ արտադրության ստեղծում և օգտագործում:
Ապրիլի 30-ի մայիսի լույս 1-ի գիշերը Մարտունու ուղղությամբ մահացու վիրավորում ստացած ՊԲ զինծառայող Աշոտ Շավարշի Զոհրաբյանն Արարատի մարզի Այնթապ համայնքից էր: Ծնվել էր 1991թ.:
«Երբ մարդը կապույտ, անամպ երկնքով վեր է սլանում, դա, իհարկե, և՛ հեշտ է, և՛, անխոս, հաճելի զգացողություններ է պարգևում քեզ, սակայն, ցավոք, փառքի և հաջողության ճանապարհները միշտ չէ, որ այդպես են լինում: Յուրաքանչյուրի համար հաջողության ուղին շատ տարբեր է, և, ցավոք, գոյություն չունի հստակ բնորոշում այն հարցին՝ ինչպես հասնել հաջողությունների: Սխալները բոլորի համար նույնն են, և մենք բոլորս էլ այս կամ այն չափով սխալների ու մեղքի բաժին ունենք մեր մասնագիտական կենսագրության մեջ: Դա է պատճառը, որ բոլոր այն սխալները, որոնք ես գործել եմ ռեժիսուրայում, պրոդյուսերական աշխատանքում կամ հարակից այլ ոլորտներում, ինձ օգնել են անելու ճիշտ և տեղին հետևություններ»:
Հարցին, թե այսինքն պետք չէ՞ մտածել, որ հակառակորդն այդպիսով նոր հարձակում է նախատեսում, Արծրուն Հովհաննիսյանը պատասխանեց. «Հստակ գնահատական տալ չեմ կարող: Ամենակարևորն այստեղ այն է, որ պաշտպանության բանակը իր բոլոր հետախուզական միջոցներով այդ ամենը ֆիքսում է ու կանխարգելիչ տեղեկություն է տալիս, որ հակառակորդի գործուենությունն իրենց համար տեսանելի է»:
Երևանի Էրեբունի և Նուբարաշեն վարչական շրջանների ընդհանուր իրավասության դատարանն այսօր որոշեց Երրորդմասցի Լյովիկի և ընկերների գործով նախ՝ հարցաքննել վկաներին, տուժողների իրավահաջորդներին, հարցաքննել ամբաստանյալներին, հետազոտել գործում եղած ապացույցները:
Նախագահ Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Տաջիկստանի Հանրապետության նորանշանակ արտակարգ և լիազոր դեսպան Իմոմուդդին Սատտորովը (նստավայրը՝ Մոսկվա):
«Այն, ինչ կա իրականում՝ պատային իրավիճակ է»,- այսօրվա ասուլիսում խոսելով ղարաբաղաադրբեջանական սահմանի իրավիճակի մասին՝ ասաց ԱԺ ՀՀԿ խմբակցության պատգամավոր Արտակ Դավթյանը:
Ադրբեջանի կառավարությունը 2003 թվականից արդյունահանող արդյունաբերության շահագործումից վաստակել է 73 միլիարդ դոլար: Այս մասին, ինչպես հայտնում է ադրբեջանական Trend գործակալությունը, հայտարարել է Համաշխարհային բանկի՝ Ադրբեջանի հարցերով մենեջեր Լարիսա Լեշչենկոն:
Պաշտոնական այցով Քուվեյթում գտնվող ՀՀ արդարադատության նախարար Արփինե Հովհաննիսյանը մայիսի 2-ին հանդիպումներ է ունեցել Քուվեյթի Պետության Էմիր Սաբահ IV Ահմադ ալ-Ջաբեր ալ-Սաբահի, Քուվեյթի թագաժառանգ Աբդուլա ալ-Սաբահի, վարչապետ Ջաբեր Մուբարաք ալ-Համադ ալ-Սաբահի, ԱԺ նախագահ Մարզուք ալ-Ղանիմի հետ:
«Վերջին շրջանում շփման գծում իրավիճակը լարվեց, բռնություն տեղի ունեցավ, որն ամենևին ուրախալի չէ: Բրազիլիայի պաշտոնական դիրքորոշումն այն է, որ խնդիրը լուծվի խաղաղ ճանապարհով, բանակցությունների միջոցով: Ղարաբաղյան խնդիրը շատ զգայուն է, և այնպես չէ, որ Բրազիլիան կարող է ներառվել այս խնդրի լուծման մեջ»,- այսօր հրավիրված ասուլիսում ասաց դեսպանը:
Մայիսի 4-ին, մայիսի 6-8-ը շրջանների մեծ մասում, մայիսի 5-ին հյուսիսային շրջաններում, առավելապես օրվա երկրորդ կեսին և գիշերվա առաջին կեսին սպասվում է կարճատև անձրև և ամպրոպ, առանձին հատվածներում հնարավոր է կարկուտ:
Հանդիպման ընթացքում քննարկվել են մարդու իրավունքների պաշտպանության երաշխիքների օրենսդրական եւ գործնական ամրապնդման: Քննարկվել են նաեւ Մարդու իրավունքների պաշտպանի աշխատակազմի, եւ մասնավորապես՝ մարզային ստորաբաժանումների կարողությունների զարգացման հարցեր:
«Լևոն Տեր-Պետրոսյանը Ղարաբաղում է ու հանդիպում է այնտեղի ղեկավարության հետ, մնում է կռահել՝ ինչի շուրջ են այդ խոսակցությունները, որովհետև Լևոն Տեր-Պետրոսյանը հայտնի է լայն փոխզիջումների գնալու ունակությամբ, նույնիսկ այնպիսի փոխզիջման, որը ժամանակին պարտվողական էր կոչվում, ինչի արդյունքում եղավ 1998-ի պալատական իշխանափոխությունը: Այս առումով, կարծում եմ, որ հետագա ներքաղաքական զարգացումների վրա կարող է ազդեցություն թողնել ղարաբաղյան գործոնը»:
Մինչ Տեր-Պետրոսյան-Սահակյան հանդիպումը, երեկ ՀՀ Առաջին նախագահը նաեւ հանդիպել է ԼՂՀ ԱԺ նախագահի, վարչապետի, ինչպես նաեւ ԼՂՀ ՊԲ ղեկավարության հետ, որին մասնակցել է նաեւ ՀՀ ԱԺ առաջին նախագահ Բաբկեն Արարքցյանը:
Քաղտեխնոլոգը նկատեց. «Իրականում երկրում փոփոխություն կլինի Սերժ Սարգսյանի ցանկությամբ, իսկ նա այս պահին որևէ փոփոխության ցանկություն չունի: Սերժ Սարգսյանի մոտ փոփոխության ցանկության կառաջանա ՌԴ նախագահ Վլադիմիր Պուտինի հրահանգով»:
Այսօր Արցախի Հանրապետության Նախագահ Բակո Սահակյանի հետ հանդիպումից հետո Հայաստանի Հանրապետության առաջին Նախագահ Լևոն Տեր-Պետրոսյանը լրագրողների հետ ճեպազրույցում ասել է, որ Հայաստանի և Արցախի իշխանությունները գործում են հաստատակամ ու վստահ:
Հայաստանում զորահավաք չի կարող լինել, քանի դեռ այդ մասին չի հայտարարել ՀՀ պաշտպանության նախարարությունը: Այս մասին քիչ առաջ լրագրողների հետ հանդիպման ժամանակ հայտարարեց ՀՀ պաշտպանության նախարար Արծրուն Հովհաննիսյանը՝ անդրադառնալով մամուլում տարածված լուրերին, թե Հայաստանում առաջիկա օրերին զորահավաք է լինելու:
Հայաստանի իշխանություններն ավելի լավ են արդարացնում Ռուսաստանին, քան անգամ ՌԴ արտգործնախարար Սերգեյ Լավրովը: Այս կարծիքին է ՀՀՇ վարչության անդամ, ԵԽ ԽՎ հայաստանյան պատվիրակության նախկին ղեկավար Հովհաննես Իգիթյանը, ով այսօր լրագրողների հետ հանդիպման ժամանակ խոսելով Ռուսաստանի կողմից Ադրբեջանին զենք վաճառելու մասին՝ հիշեցրեց, որ իրենք միշտ բարձրացրել են այս հարցը, բայց Հայաստանի իշխանություններն ասում էին, որ դա բիզնես է:
Թուրքիայում երեք քաղաքական կուսակցություն է փակվել, հայտնում է թուրքական Resmi Gazete-ն («Պաշտոնաթերթ»):
Վարկային համաձայնագրով Ռուսաստանից Հայաստանին զենք մատակարարելու գործընթացը վաղուց սկսվել է: Այս մասին այսօր լրագրողների հետ հանդիպման ժամանակ հայտարարեց ՀՀ պաշտպանության նախարարի մամուլի խոսնակ Արծրուն Հովհաննիսյանը: «200 միլիոն դոլարի վարկային համաձայնագրով Հայաստանին զենք մատակարարելու գործընթացը վաղուց է սկսվել, սակայն թե ինչ է մատակարարվում, չեմ կարող ասել»,- նշեց Հովհաննիսյանը:
Ծովակ գյուղի մոտակայքում երեկ տեղի ունեցած ճանապարհատրանսպորտային պատահարի հետևանքով տուժած երկուսուկես տարեկան երեխան, որը գտնվում է «Սուրբ Աստվածամայր» բժշկական կենտրոնի վերակենդանացման բաժանմունքում, այսօր տեղափոխվել է մանկական վնասվածքաբանության բաժանմունք:
Մեդիափորձագետ Սամվել Մարտիրոսյանի կարծիքով՝ թեև քառօրյա պատերազմում լրատվամիջոցները լավ աշխատեցին, նույնիսկ սոցցանցերում օգտատերերն իրենց զուսպ պահեցին, բայց ըստ նրա՝ լարվածությունը երբ թուլանում է, զգոնությունն էլ է թուլանում.
ՀՀ քրեական դատավարության օրենսգրքով նախատեսված ՀՀ քննչական կոմիտեի կողմից քննության ենթակա կոռուպցիոն բնույթի հանցագործությունների դեպքերի առթիվ 2015 թվականի ընթացքում ՀՀ քննչական կոմիտեի տարածքային ստորաբաժանումներում հարուցվել է 216 քրեական գործ, որոնցից 75-ը՝ ՀՀ քննչական կոմիտեի զինվորական քննչական գլխավոր վարչությունում:
«Զինվորականները միշտ ձգտում ունեն հնարավորինս շատ փակել, որ ոչ ոք չխանգարի իրենց գործը: Բայց այդ գործը միայն պատերազմը չէ, վերջ ի վերջո, մենք խաղաղ վիճակում էլ ենք ապրելու, այդ ժամանակ նմանատիպ արգելափակումներից կսկսեն օգտվել բանակի այն ներկայացուցիչները, որոնք ավելի շատ հակված են ոչ թե պատերազմի մասնակցել, այլ կոռուպցիայի մաս լինել: Այնպես որ, կարևորագույն խնդիրն այն է, որ լրագրողական համայնքն ու բանակն այս ամենի շուրջ քննարկումներ անցկացնեն, ու հստակություն լինի»:
Իսպանիայի թագավոր Ֆիլիպ 6-րդը հրաման է ստորագրել երկրի խորհրդարանի երկու պալատները ցրելու ու հունիսի 26-ին նոր խորհրդարանական ընտրություններ անցկացնելու մասին, հայտնում է TASS-ը՝ հղում կատարելով Իսպանիայի թագավորական պալատին:
ՀՀ կառավարությունն առաջիկա նիստում՝ մայիսի 5-ին, կքննարկի «Արցախի Հանրապետությունը ճանաչելու մասին» ՀՀ օրենքի նախագիծը: Նախագծի հեղինակներն են ԱԺ պատգամավորներ Զարուհի Փոստանջյանը և Հրանտ Բագրատյանը:
Արծրուն Հովհաննիսյանի ասուլիսը՝ ուղիղ:
3 մարդ է զոհվել Կամչատկայում մասնավոր «Ռոբինսոն-44» ուղղաթիռի կործանման հետևանքով, հայտնում է BBC-ի ռուսական ծառայությունը՝ հղում կատարելով ՌԴ ԱԻՆ-ին:
Երևանի Էրեբունի և Նուբարաշեն վարչական շրջանների ընդհանուր իրավասության դատարանում այսօր սկսվեց Երրորդմասցի Լյովիկի և նրա ընկերների սպանության գործով դատաքննությունը:
ԵԿՄ վարչության նախագահ, Արցախի հերոս Մանվել Գրիգորյանը վերլուծական ելույթ է ունեցել առաջնագծում գտնվող կամավորականների առաջ` կարեւորելով վերջինների դերն ու նշանակությունը: Երկրապահի կարեւորության մասին խոսում են նաեւ զինծառայություն իրականացնող սպաները:
