Տաքացրած մեղրը թույն է
Մեղրի օգտակար հատկանիշների մասին բազմիցս խոսել ենք մեր նախորդ հրապարակումներում:
Բոլորն էլ գիտեն, որ մեղրը բնական լավագույն դեղամիջոցն է, որը կարելի է օգտագործել գրեթե ցանկացած հիվանդություն բուժելու համար: Մեղրը հարյուրավոր տարիներ շարունակ օգտագործվել է ոչ միայն՝ որպես սնունդ, այլև՝ դեղամիջոց: Սակայն քչերը գիտեն, որ մեղրը՝ տաքացրած վիճակում, իրական թույն է և կարող է հակառակ ազդեցությունն ունենալ ամբողջ օրգանիզմի վրա:
Դեռևս հին հույները մեղրն օգտագործում էին թարմ միսը պահածոյացնելու համար, սրա շնորհիվ միսը հնարավոր էր լինում պահել մինչև 4 տարի:
Մեղրը, ճիշտ պահպանման շնորհիվ, հնարավոր է պահել տասնամյակներ շարունակ՝ պահպանելով իր օգտակար հատկանիշներն ու համը:
Բազմաթիվ հետազոտություններ, սակայն, ցույց են տվել, որ մեղրն իր բոլոր օգտակար հատկանիշները կարող է կորցնել և վերածվել իրական թույնի, երբ այն տաքացնում ենք որոշակի ջերմաստիճանում:
Բարձր ջերմաստիճանի ժամանակ՝ մեղրի սննդարար և բուժական հատկանիշները նվազում են: 40°С և ավելի ջերմաստիճանի դեպքում մեղրը կորցնում է իր օգտակար հատկանիշներն ու վերածվում հասարակ քաղցր հեղուկի: Այս դեպքում՝ մեղրը կորցնում է իր՝ բակտերիասպան հատկանիշներն ու համը: Ջերմաստիճանը փոփոխում է նաև մեղրի գույնը, այն մգանում է, երբեմն դառնում շագանակագույն: Որքան բարձր է ջերմաստիճանը, այնքան ավելի վտանգավոր է դառնում մեղրի օգտագործումը: +45°С ջերմաստիճանում մեղրի մեջ տեղի է ունենում ֆերմենտների ոչնչացում, որի արդյունքում մեղրը կորցնում է իր արժեքը, իսկ 60-80°С ջերմաստիճանի դեպքում մեղրը ձեռք է բերում քաղցկեղածին հատկանիշներ: Այդ իսկ պատճառով մեղրը թույլ չի տրվում ավելացնել տաք ըմպելիքներին՝ տաք թեյին, և այլն: 60-80°С ջերմաստիճանում մեղրի մեջ նաև բարձրանում է ամենահզոր թույներից մեկի՝ օքսիմեթիլֆուրֆուրոլայի մակարդակը, որը գրեթե դուրս չի գալիս օրգանիզմից:
Այդ իսկ պատճառով անհրաժեշտ է հիշել, որ
- Մեղրը պետք է օգտագործել իր բնական վիճակում, և միայն այդ դեպքում այն օգուտ կտա:
- Ոչ մի պարագայում չպետք է տաքացնել մեղրը, կամ տաք հեղուկի հետ խառնել, կամ եփել՝ որպեսզի այն թույնի չվերածվի:
Մեղրի բարձր ջերմային մշակման դեպքում մեղրից դուրս են գալիս վիտամիններն ու ֆերմենտները, մգանում է մեղրի գույնը:
Սակայն սա դեռ ամենը չէ. բարձր ջերմաստճանի դեպքում մեղրի մեջ ոչնչանում է լիզացին կոչվող ֆերմենտը և բարձրանում է ամենահզոր թույներից մեկի՝ օքսիմեթիլֆուրֆուրոլայի մակարդակը:
Օքսիմեթիլֆուրֆուրոլայի օգտագործումը թույլ է տրվում քիչ չափաբաժնով, սակայն հետազոտությունները ցույց են տվել, որ տաքացրած մեղրի մեջ այս տարրի չափաքանակը 4-10 անգամ գերազանցում է նորմայի սանդղակը:
Հարկավոր է հիշել նաև, որ խանութներում վաճառվող մեղրների մեծ մասը ջերմային մշակման է ենթարկվում՝ այն ջրիկացնելու նպատակով, այդ իսկ պատճառով ցանկալի է միայն բնական մեղր օգտագործել, որը ջերմային որևէ մշակումների չի ենթարկվել:
Այնպես որ, եթե սովորություն ունեք կաթին, թեյին և այլ տաք ըմպելիքներին ու խմորեղեններին մեղր ավելացնել, ապա ճիշտ ժամանակն է հրաժարվել այս վնասակար սովորությունից, քանի որ, անկախ ձեր կամքից, թունավորում եք ձեր օրգանիզմը:
168.am-ի ընթերցողներից մեկը դիմելով բոլոր մայրերին՝ գրել էր. «Սիրելի մայրիկներ, մեղրով տորթի խմորի մեջ մեղր մի՛ ավելացրեք, քանի որ բարձր ջերմաստիճանի դեպքում մեղրը ձեռք է բերում քաղցկեղածին հատկանիշներ և վատ ազդեցություն է ունենում ամբողջ օրգանիզմի վրա: Մեղրի համի համար կարող եք այն տորթի կրեմին ավելացնել»:
Նյութը հրապարակման պատրաստեց Լիլիթ Հարությունյանը
