25 տարի՝ երկնքում
25 տարի առաջ տիեզերական շաթլ Ատլանտիսի (Space Shuttle Orbiter Atlantis) կողմից Երկրի ուղեծիր դուրս բերվեց ամերիկյան աշխարհահռչակ աստղագետ Էդվին Հաբլի անունով կոչվող Հաբլի տիեզերական աստղադիտակը (Hubble Space Telescope, HST): Հաբլը ՆԱՍԱ-ի 4 «Մեծ աստղադիտակներ» ծրագրի մի մասն է` Քոմփթոնի գամմա-ալիքային աստղադիտարանի, Սպիտցերի տիեզերական աստղադիտակի ու Չանդրայի ռենտգենյան աստղադիտարանի հետ մեկտեղ: Տիեզերական աստղադիտակն ունի 2.4մ հայելու բացվածք և իր չորս գլխավոր գործիքների օգնությամբ հետազոտում է մոտ գերմանուշակագույն, տեսանելի և մոտ ենթակարմիր ալիքային տիրույթները։
Չնայած՝ Հաբլը չի եղել առաջին տիեզերական աստղադիտակը, այն ամենամեծերից է ու ամենաբազմակողմանին։ Այն հայտնի է՝ որպես ամենակարևոր և աստղագիտության մեջ ամենամեծ ներդրում ունեցած ուղեծրային հետազոտական գործիք: 25 տարիների ընթացքում Հաբլի բազմաթիվ հայտնագործություններն աստղաֆիզիկայի մեջ բերել են բեկումնային առաջընթացների, ինչպես, օրինակ, Հաբլի օրենքի ճշգրտումը։
Նյութը հրապարակման պատրաստեց ՍՈՆԱ ՖԱՐՄԱՆՅԱՆԸ
