ԵՏՄ-ին Հայաստանի անդամակցելն ընդլայնում է Ռուսաստանի հետ համագործակցության հնարավորությունները. Նարիշկին
Ռուսական РИА Новости լրատվական գործակալության փոխանցմամբ` ԵՏՄ-ին Հայաստանի միանալն ընդլայնում է Ռուսաստանի հետ համագործակցելու հնարավորությունները:
Այս մասին երեկ Հայաստանի արտգործնախարար Էդվարդ Նալբանդյանի հետ հանդիպման ժամանակ հայտարարել է ՌԴ Պետդումայի նախագահ Սերգեյ Նարիշկինը.
«ԵՏՄ-ին Հայաստանի անդամակցելը նոր էջ, զարգացման նոր փուլ է բացում երկկողմ հարաբերություններում և ստեղծում է էլ ավելի մեծ հնարավորություններ ինչպես երկկողմ ձևաչափով, այնպես էլ ԵՏՄ-ի անդամ երկրների շրջանակներում բազմակողմ համագործակցության համար»:
Նարիշկինը վստահություն է հայտնել, որ Հայաստանը կլինի ԵՏՄ-ի ակտիվ անդամ: Նա հայտարարել է, որ իրենք Մոսկվայում սպասում են Մեծ հաղթանակի (մայիսի 9) կապակցությամբ Հայաստանի նախագահ Սերժ Սարգսյանի այցին` միասին տոնելու համար իրենց ընդհանուր հաղթանակն ու պաշտպանելու համար պատմական ճշմարտությունը:
