Ասոցացման համաձայնագրի շուրջ ԵՄ-ՌԴ-Ուկրաինա եռակողմ հանդիպումը կանցկացվի հուլիսի 11-ին
Ռուսական ИТАР-ТАСС լրատվական գործակալության փոխանցմամբ՝ տնտեսական ու առևտրային հարցերի շուրջ Ռուսաստանի, ԵՄ-ի ու Ուկրաինայի եռակողմ խորհրդակցությունները Բրյուսելում կանցկացվեն հուլիսի 11-ին: Այս մասին հայտարարել է Եվրահանձնաժողովի նախագահ Ժոզե Մանուել Բառուզուն:
Նա մանրամասնել է, որ այդ հանդիպումը նախագահելու է առևտրային հարցերով եվրահանձնակատար Կարել դե Գյուհտը. «Ասոցացման համաձայնագիրը ստորագրվելու է ԵՄ-ի հետ մերձենալու համար և ոչ թե ինչ-որ մեկի դեմ»:
Բառոզուն հավելել է, որ ԵՄ-ը ողջունում է Ռուսաստանի Դաշնային խորհրդի որոշումը՝ կապված Ուկրաինայում զորքեր կիրառելու մասին նախկին որոշումը չեղյալ հայտարարելու հետ: Ուկրաինան ԵՄ-ի հետ Ասոցացման համաձայնագիրը ստորագրելու է հունիսի 27-ին:
