Թուրքիայում Balyoz-ի գործով դատապարտյալներից 70 սպա կարող է վերադառնալ զինծառայության
Թուրքական Hürriyet թերթի փոխանցմամբ՝ այն բանից հետո, ինչ Թուրքիայի Սահմանադրական դատարանը երեկ որոշում կայացրեց Balyoz ռազմական հեղաշրջման գործով 230 դատապարտյալների ազատ արձակման մասին, 70 սպա, որից 13-ը գեներալ ու ծովակալ են, կարող են վերադարձ կատարել զինծառայությանը:
Այդ զինվորականների հարցը քննարկվելու է օգոստոսի 10-ին երկրում կայանալիք նախագահական ընտրություններից առաջ Բարձրագույն ռազմական խորհրդի (YAŞ) առաջիկա նիստում: YAŞ-ի նիստը կկայանա օգոստոսի առաջին օրերին:
Թուրքիայի ՍԴ-ը երեկ վճռել էր, որ ամբաստանյալների դեմ մեղադրանքները հավաքվել են ապօրինի ճանապարհով, այդ թվում նաև գաղտնալսումներով: Թուրքիայի զինված ուժերի Գլխավոր շտաբը հավանության է արժանացրել դատարանի այդ որոշումը:
