Բիձինա Իվանիշվիլին հայտնել է, թե որն է իշխող թիմի ամենամեծ սխալը
Guria news պարբերականին տված հարցազրույցի ժամանակ Վրաստանի նախկին վարչապետ Բիձինա Իվանիշվիլին հայտարարել է, որ մեծապես դժգոհ է իշխանության ներկայացուցիչներին զգալի պարգևավճարներ շնորհելու կապակցությամբ:
Իվանիշվիլին նման կերպ է պատասխանել լրագրողի այն հարցին, թե որն է համարում իշխող թիմի ամենամեծ սխալը. «Կարծում եմ, որ պատկառելի պարգևավճարները, որոնք ստացել են իշխանության ներկայացուցիչները: Դա ինձ համար դարձավ հոգեկան վնասվածքի պատճառ:
Ես անգամ չեմ թաքցրել իմ արձագանքը, զանգահարել եմ բոլորին, ում կարողացել եմ և ասել եմ այդ մասին: Կարծում եմ, որ դա եղել է թե՛ մեծ սխալ, թե՛ մեծ թյուրիմացություն»:
