Նախկին բարձրաստիճան պաշտոնյա Սամվել Հովհաննիսյանը դատապարտվեց 12 տարվա ազատազրկման. pastinfo.am

Սամվել Հովհաննիսյանը, ով 2001-2006 թթ. պաշտոնավարել է որպես ՀՀ արդարադատության նախարարության քրեակատարողական վարչության պետ, դատարանի՝ այսօր հրապարակված դատավճռով դատապարտվեց 12 տարվա ազատազրկման: Այս մասին գրում է «Փաստինֆոն»:

Երևանի Արաբկիր և Քանաքեռ-Զեյթուն վարչական շրջանների դատարանը՝ դատավոր Արմեն Խաչատրյանի նախագահությամբ, Սամվել Հովհաննիսյանին անպարտ ու դատարանով արդարացված ճանաչեց ՀՀ քրեական օրենսգրքի 38-35-104-րդ հոդվածի 2-րդ մասի 7-րդ կետով՝ մի խումբ անձանց կամ կազմակերպված խմբի կողմից սպանության նախապատրաստությունը կազմակերպելը՝ հանցակազմի բացակայության պատճառաբանությամբ:

Իսկ ՀՀ քրեական օրենսգրքի 38-35-104-րդ հոդվածի 2-րդ մասի 8-րդ կետով՝ շահադիտական դրդումներով, պատվերով սպանության նախապատրաստությունը կազմակերպելը, ինչպես նաև ՀՀ քրեական օրենսգրքի 178-րդ հոդվածի 3-րդ մասի 1-ին կետով՝ առանձնապես խոշոր չափերի խարդախություն, Սամվել Հովհաննիսյանը մեղավոր ճանաչվեց և ընդհանուր առմամբ դատապարտվեց 12 տարվա ազատազրկման: Խարդախության դրվագով հօգուտ երկու տուժողների Ս.Հովհաննիսյանից պետք է բռնագանձվի, շուրջ 42 մլն դրամ:

Մանրամասներն` այստեղ