Կանադան պատժամիջոցներ է կիրառում ռուսաստանյան 16 բանկերի եւ ընկերությունների նկատմամբ
Կանադայի վարչապետ Սթիվեն Հարփերը կիրակի հայտարարել է Ռուսաստանի նկատմամբ նոր պատժամիջոցների կիրառման մասին, հաղորդում է ԻՏԱՌ- ՏԱՍՍ-ը:
«Միջոցառումները, որոնց մասին մենք այսօր հայտարարեցինք, տնտեսական ազդեցություն կունենան Ռուսաստանի եւ այն անձանց վրա, ովքեր պատասխանատվություն են կրում Ուկրաինայում ճգնաժամի համար»,-հայտարարել է Հարփերը:
«Մենք հետագայում եւս քայլեր կձեռնարկենք, եթե Ուկրաինայի տարածքային ամբողջականությունն ու ինքնիշխանությունը սպառնալիքի տակ գտնվեն»,-հայտարարել է նա:
