Ադրբեջանցիներն իրենց ամենանվիրական երազներում չէին կարող պատկերացնել, որ Հայաստանը Փաշինյանի պես ղեկավար կունենա. Արման Գրիգորյան
Արման Գրիգորյանը գրում է.
Ես մի բան չեմ հասկանում։
Ադրբեջանցիներն իրենց ամենանվիրական երազներում չէին կարող պատկերացնել, որ Հայաստանը Փաշինյանի պես ղեկավար կունենա ու ՔՊ-ի պես իշխող կուսակցություն։
Ես նրանց փոխարեն անդադար տպավորություն կստեղծեի, որ մենք հավասար պարտնյորներ ենք, որ ինչ-որ հարցերում Ադրբեջանն ընդառաջում է Հայաստանի իշխանություններին, նույնիսկ զիջումներ է անում հանուն խաղաղության ու հաշտեցման, եթե նույնիսկ իրականում նույն կոշտ գիծն առաջ տանելիս լինեի բանակցություններում։ Փաշինյանին պրոպագանդիստական աջակցություն ցույց տալու առավելություններն ակնհայտ պիտի լինեին էդ մարդկանց համար։ Բայց նրանք անդադար նվաստացնում են Փաշինյանին ու ՔՊ-ին, անդադար բացահայտում են, թե ինչ ակնհայտ ու տխմար ֆանտազիա է սրանց խաղաղության օրակարգը։ Միակ բացատությունն այն է, որ միևնույն է Հայաստանը ոչինչ չի կարող հակադրել, հետևաբար կարելի է ստեղծված վիճակն օգտագործել պարզապես սադիստական հաճույք ստանալու համար։ Եթե ուրիշ բացատրություն ունեք, ասեք։
