Google Glass-ը վաճառքի կհանվի
Google Glass հայտնի «սմարթ-ակնոցը» առաջին անգամ վաճառքի կհանվի, հաղորդում է naked-science –ը: Այն կարող են ձեռք բերել ԱՄՆ միայն չափահաս բնակիչները` 1 500 դոլարով եւ պատվերը գրանցելով ընկերության կայքում: Տեխնոլոգիական ակնոցի վաճառքը տեղի կունենա միայն մեկ օր` ապրիլի 15-ին: Նշվում է, որ վաճառքի կհանվեն սահմանափակ քանակությամբ սարքեր:
Google Glass-ի մասին առաջին անգամ հայտնի դարձավ 2012թ. փետրվարին, իսկ սարքի հրապարակային թեստավորումն սկսվեց արդեն երկու ամիս անց: Ակնկալվում է, որ արդեն այս տարվա ընթացքում Google Glass-ը ազատ վաճառքի կհանվի:
