Վրաստանի խորհրդարանին ներկայացվել է խտրականության դեմ պայքարի մասին օրինագծի նոր տարբերակը
Civil Georgia-ի փոխանցմամբ՝ Վրաստանի կառավարությունը խորհրդարանին ներկայացրել է խտրականության դեմ պայքարի մասին օրինագծի նորացված տարբերակը:
Փաստաթուղթն արգելում է ոտնահարել մարդկանց իրավունքները՝ ելնելով նրանց ռասայական պատկանելությունից, սեռից, տարիքից, քաղաքացիությունից, բնակատեղիից, գույքային ունեցվածքից և այլ առանձնահատկություններից:
Օրինագիծն արգելում է խտրականություն կիրառել սեռական կողմնորոշման ու գենդերային նույնականության ցուցիչով: Արգելքը տարածվում է ինչպես ֆիզիկական, այնպես էլ իրավաբանական անձանց վրա: Այն առնչվում է մի ամբողջ շարք ոլորտների վրա՝ ներառյալ զբաղվածությունը և առողջապահությունը:
