Վրաստանի ԱԳՆ-ը հերքել է Ջավախքի բնակիչներին ռուսական անձնագրեր բաժանելու մասին տեղեկատվությունը
Грузия Online-ի փոխանցմամբ՝ իրականությանը չի համապատասխանում այն տեղեկատվությունը, որ Վրաստանի հարավում ընկած Սամցխե-Ջավախքի շրջանում ցանկացողներին զանգվածաբար բաժանում են ռուսական անձնագրեր: Այս մասին հայտարարել է Վրաստանի փոխարտգործնախարար Դավիթ Զալկալիանին:
Նրա խոսքերով՝ ոչ վաղ անցյալում տեղեկատվություն տարածվեց, իբրև թե Թբիլիսիում Ռուսաստանի հյուպատոսությունն ապրիլի մեկից սկսել է անձնագրեր բաժանել Սամցխե-Ջավախքի բնակչությանը. «Մենք ստուգել ենք այդ տեղեկատվությունը: Պարզվել է, որ այն ուռճացված է, այդպիսի փաստեր չեն գրանցվել»:
Զալկալիանին ընդգծել է, որ Վրաստանում ակնդետ հետևում են Ռուսաստանում հարևան երկրների քաղաքացիներին, որոնք ազատորեն տիրապետում են ռուսերենին, ռուսական քաղաքացիություն տրամադրելու կարգը դյուրացնելու մասին օրենքի քննարկումներին:
