Սիրիայում նախագահի թեկնածուների հայտերի ընդունումը կսկսվի ապրիլի 20-ից հետո
Սիրիական SANA պետական լրատվական գործակալության փոխանցմամբ՝ Սիրիայի նախագահական ընտրություններում իրենց թեկնածությունն առաջադրել ցանկացողները կարող են համապատասխան հայտեր ներկայացնել ապրիլի 20-ից հետո:
Այս մասին հայտարարել է Սիրիայի տեղեկատվության նախարար Ումրան ազ-Զոուբին: Նա ընդգծել է, որ թեկնածուների հայտերի ընդունումը մեկնարկելու է այս ամսվա վերջին 10 օրերին: Զոուբին հավելել է, որ նախագահական ընտրություններն անցկացվելու են սահմանված ժամկետում՝ հուլիսին:
Հիշեցնենք, որ մոտ 20 օր առաջ Սիրիայում ընդունել էին նախագահական ընտրությունների անցկացման մասին նոր օրենք, որով սիրիական ընդդիմությանն ու սիրիացի փախստականներին զրկել են նախագահական ընտրություններին մասնակցելու իրավունքից:
