Վիեննայում մեկնարկում է Իրանի ու «Վեցյակի» փորձագետների հանդիպումը
Ռուսական Интерфакс լրատվական գործակալության փոխանցմամբ՝ այսօր Վիեննայում մեկնարկում է Իրանի ու «Վեցյակի» ներկայացուցիչների հանդիպումը, որն անցկացվելու է փորձագետների մակարդակով: Այդ հանդիպումն անցկացվում է Իրանի ու «Վեցյակի» միջև բանակցային թվով երրորդ լայնամասշտաբ փուլի շեմին, որը Վիեննայում անցկացվելու է ապրիլի 7-9-ին:
Իրանական պատվիրակությունը՝ ԱԳՆ-ի քաղաքական ու միջազգային հարցերով գլխավոր տնօրեն Համիդ Բաեդինեժադի գլխավորությամբ արդեն իսկ մեկնել է Ավստրիայի մայրաքաղաք: Նշվում է, որ բանակցությունների նախորդ փուլն անցկացվել է մարտի 17-19-ին:
