Ռուսաստանի ու Ղազախստանի արտգործնախարարները ստորագրել են այս տարվա համագործակցության պլանը
Ռուսական РИА Новости լրատվական գործակալության փոխանցմամբ՝ Ռուսաստանի ու Ղազախստանի արտգործնախարարներ Սերգեյ Լավրովն ու Երլան Իդրիսովը համաձայնեցրել են այս տարի երկու գերատեսչությունների միջև համագործակցության պլանը:
Նախարարները փաստաթուղթը ստորագրել են մոսկովյան բանակցությունների արդյունքներով: Սերգեյ Լավրովի խոսքերով՝ դա կարևոր փաստաթուղթ է: Իդրիսովն իր հերթին հայտարարել է, որ Լավրովը պաշտոնական այցով Ղազախստան կայցելի այս տարվա երկրորդ կեսին:
