Ալիևը շնորհավորել է Էրդողանին
Ադրբեջանական APA լրատվական գործակալության փոխանցմամբ՝ Ադրբեջանի նախագահ Իլհամ Ալիևը երեկ հեռախոսազրույց է ունեցել Թուրքիայի վարչապետ Ռեջեփ Էրդողանի հետ:
Հեռախոսազրույցի ժամանակ Ալիևն Էրդողանին շնորհավորել է Թուրքիայում անցկացված տեղական ինքնակառավարման մարմինների (ՏԻՄ) ընտրություններում նրա գլխավորած «Արդարություն ու զարգացում» կուսակցության (ԱԶԿ) տարած համոզիչ հաղթանակի կապակցությամբ:
Էրդողանն իր հերթին շնորհակալություն է հայտնել Ալիևին՝ շնորհավորանքի ու ուշադրության համար: Էրդողանն ու Ալիևը գոհունակություն են հայտնել բոլոր ոլորտներում երկու երկրների միջև հարաբերությունների զարգացման կապակցությամբ:
