Տուրչինովը մերժել է վաղաժամ նախագահական ընտրությունները հետաձգելու մասին առաջարկը
Ուկրաինական UNIAN լրատվական գործակալության փոխանցմամբ՝ Ուկրաինայի Գերագույն ռադայի նախագահ, Ուկրաինայի ժամանակավոր նախագահ Ալեքսանդր Տուրչինովը մերժել է վաղաժամ նախագահական ընտրությունների անցկացումը հետաձգելու մասին առաջարկը:
Տուրչինովի խոսքերով՝ քվեարկությունը պետք է իրականացվի նշանակված ժամկետում՝ մայիսի 25-ին: Ընտրությունների ժամկետը փոխելու առաջարկով հանդես էր եկել Ռեգիոնների կուսակցությունը ներկայացնող պատգամավոր Եվգենի Մուրաևը, ով առաջարկել էր քվեարկությունն անցկացնել դեկտեմբերի 7-ին:
