Վիտալի Կլիչկոն ցուցադրել է իր հսկայական բնակարանը (լուսանկարներ)
Բռնցքամարտիկ, այժմ՝ քաղաքական գործիչ Վիտալի Կլիչկոն որոշել է հանրությանը ցույց տալ իր կացարանը։ Բնակարանը, որը գտնվում է Ուկրաինայի Ազգային օպերայի շենքի հարևանությամբ, տպավորում է իր չափերով և շքեղությամբ։
Եվ այսպես, Կլիչկոյի և նրա ընտանիքի բնակարանը գտնվում է Կիևում՝ Բոգդան Խմելնիցկու վրա տեղակայված շենքում։ Ընդհանուր մակերեսը 225 քմ է։ Հարևանությամբ, ինչպես նշվեց, Ուկրաինայի Ազգային օպերայի շենքն է, դիմացը՝ Գերմանիայի դեսպանատունը։ Շենքը, որում տեղակայված է բնակարանը, 1901թ. դասական ոճով կառուցված շինություն է։
Կլիչկոյի բնակարանն ունի երեք մակարդակ, 6 ննջասենյակ, երկու հյուրասենյակ և 4 սանհանգույց։ Հյուրասենյակներից մեկում, գտնվում է գրադարանը՝ ապակե թափանցիկ հատակով։ Ամենավերևի մակարդակում Կլիչկոյի աշխատասենյակն է, իսկ երկրորդ մակարդակում՝ երեք ննջասենյակներ։
