Տնտեսական ակտիվության աճի տեմպերը շարունակում են նվազել

Ազգային վիճակագրական ծառայությունն ամփոփել է այս տարվա 11 ամիսների մակրոտնտեսական ցուցանիշները: Ուրախանալու առիթ չկա: Ըստ ԱՎԾ-ի՝ հունվար-նոյեմբերին տնտեսական ակտիվությունը նախորդ տարվա նույն ժամանակահատվածի համեմատ ավելացել է 3.1%-ով, սակայն աճի նվազման միտումները պահպանվում են՝ հունվար-հոկտեմբերի կտրվածքով ՏԱՑ-ը 3.4% էր: Շինարարոթյան ոլորտում անկումը կազմել է 8.5%, էլեկտրաէներգիայի արտադրության ոլորտում՝ 4.3%:

Արդյունաբերական արտադրանքի ծավալի աճը 7.1% է, գյուղատնտեսական արտադրանքը՝ 6.1%, առևտրաշրջանառությունը՝ 1.6%, ծառայությունների ծավալը՝ 2.9%, արտաքին առևտրաշրջանառությունը՝ 5.2%, որից արտահանումը՝ 8.4%, ներմուծումը՝ 4.2%: