Եգիպտական դատարանն արդարացրել է Հոսնի Մուբարաքի որդիներին
Al Arabiya հեռուստաալիքի փոխանցմամբ՝ եգիպտական դատարանն արդարացրել է նախկին նախագահ Հոսնի Մուբարաքի երկու որդիներին և երկրի պաշտոնաթող վարչապետին՝ կապված կոռպցիոն գործի հետ: Ալլա և Գամալ Մուբարաքները, ինչպես նաև Ահմադ Շաֆիկը մեղավոր չեն ճանաչվել պետական ակտիվների յուրացման գործում:
Դատարանը նման վճիռ է կայացրել տվյալ անձանց մեղավորությունը փաստող ապացույցների բացակայության պատճառով: Ինչ վերաբերում է Հոսնի Մուբարաքին, ապա նրա գործով դատական նիստը տեղափոխվել է հաջորդ տարվա սկզբին: Այն առնչվում է 2011 թվականի սկզբին Եգիպտոսում տեղի ունեցած հեղափոխության ժամանակ ցուցարարների սպանություններին:
