Էրդողանը մեկօրյա պաշտոնական այցով ժամանել է Թուրքմենստան
Ադրբեջանական Trend լրատվական գործակալության փոխանցմամբ՝ այսօր մեկօրյա պաշտոնական այցով Թուրքմենստան է ժամանել Թուրքիայի վարչապետ Ռեջեփ Էրդողանը: Վերջինս բանակցելու է Թուրքմենստանի նախագահ Գուրբանգուլի Բերդիմուհամեդովի հետ:
Այս մասին հայտնել է բանակցային գործընթացին մոտ կանգնած աղբյուրը: Պլանավորված են մի շարք միջկառավարական մակարդակի մի շարք հանդիպումներ, որոնցում շոշափվելու են առևտրա-տնտեսական միջպետական համագործակցությանն առնչվող հարցեր:
Ակնկալվում է, որ Էրդողանն այցելելու է Թուրքմենբաշի քաղաքի մոտ գտնվող «Ավազա» ազգային զբոսաշրջային գոտի: Թուրքմենստանում գործունեություն ծավալած թուրքական ընկերությունների քանակը հասնում է մոտ 600-ի:
