Բարսելոնային լուրջ փոփոխություններ են հարկավոր. Ինյեստա
«Բարսելոնայի» կիսապաշտպան Անդրես Ինյեստան չի կարծում, որ կատալոնյան ակումբի ժամանակաշրջանն ավարտվել է։
«Արդարացի չէ ասել ժամանակաշրջանի ավարտի մասին։ Այս թիմը վերջին 5 տարիների ընթացքում նվաճել է Չեմպիոնների լիգայի երկու տիտղոս, ինչպես նաև 4 անգամ տիրացել Լա Լիգային։
Երկար տարիներ հաղթել ենք և պայքարել բոլոր մրցանակների համար։ Եթե նայեք «Բավարիայի» խաղին նույն ժամանակաշրջանում, ապա նա տպավորիչ չէ։
Հաջորդ մրցաշրջանում պայքարելու ենք տիտղոսների համար, սակայն դրա համար պետք են մեծ փոփոխություններ։ Ես ի նկատի ունեմ նրանց, ովքեր թիմում են և ովքեր գալու են։
Ֆուտբոլը գնալով ավելի է բարդանում, իսկ կատարին մնալու համար հարկավոր է անմարդկային ջանք գործադրել»,- Ինյեստայի խոսքերն է մեջբերում Football Espana-ն։
Մարզական լրահոսն ապահովում է SportArmenia.com-ը
