ԵՄ-ին ու ՆԱՏՕ-ին Վրաստանի ինտեգրումը չունի այլընտրանք. Բիձինա Իվանիշվիլի
Грузия Online-ի փոխանցմամբ՝ Վրաստանի վարչապետ Բիձինա Իվանիշվիլին այսօր ԵԽԽՎ գարնանային նստաշրջանում ունեցած ելույթում հայտարարել է, որ Վրաստանի արևմտյան ինտեգրումը՝ ԵՄ-ին ու ՆԱՏՕ-ին ինտեգրվելը, հանդիսանում է իրենց ռազմավարական ընտրությունը և չունի այլընտրանք.
«Դա ինչ-որ քաղաքական խմբի ընտրություն չէ, այդպիսի ընտրություն վաղուց կատարել է վրաց ժողովուրդը: Հյուսիսատլանտյան դաշինքին անդամակցելու մասին Վրաստանի որոշումն առաջին հերթին արտացոլում է արևմտայն արժեքներին մեր ժողովրդի հավատարիմ գտնվելը:
Դա ևս մեկ անգամ արտացոլվեց ոչ վաղ անցյալում Վրաստանի խորհրդարանի կողմից մեր երկրի արտաքին քաղաքական հիմնական ուղղությունների մասին միաձայն բանաձևի ընդունման մեջ»:
Իվանիշվիլին ԵԽԽՎ պատգամավորներին խոստացել է, որ Վրաստանում չի իրականացնելու այլակարծների հետապնդում: Նա ընդգծել է, որ Վրաստանում ընթանում է արդարության վերականգնում, ինչը պահանջում է երկրի բնակչությունը:
