Գալաթասարայի ֆուտբոլիստները սիրում են Մոուրինյոյին
Այսօր տեղեկացրել էինք, որ «Գալաթասարայի» հարձակվող Դիդյե Դրոգբան, խոսելով Մադրիդի «Ռեալի» գլխավոր մարզիչ Ժոզե Մոուրինյոյի մասին, նրան հայր էր անվանել. «Ես պետք է խաղամ իմ հոր՝ Ժոզե Մոուրինյոյի դեմ»։
Եվ ահա նրա օրինակին հետևել է թուրքական ակումբի մյուս աստղը՝ Ուեսլի Սնեյդերը, ով ժամանակին հանդես է եկել պորտուգալացի մասնագետի գլխավորած «Ինտերի» կազմում։
««Ինտերի» հետ միասին ես նվաճել եմ Չեմպիոնների լիգայի գավաթը։ Այնտեղ աշխատել եմ Ժոզե Մոուրինյոյի հետ։ Նա ինձ համար, ասես, 2-րդ հայր լինի», – հոլանդացու խոսքերն է մեջբերում Marca-ն։
Մարզական լրահոսն ապահովում է SportArmenia.com-ը
