Ռուսաստանը պատրաստվում է Կասպից ծովում փորձարկել իր նոր «անտեսանելի» ռազմանավերը
Ռուսական Интерфакс լրատվական գործակալության փոխանցմամբ՝ Ռուսաստանի Կասպյան նավատորմի հրամանատարությունը հստակեցնում է նոր «անտեսանելի» ռազմանավերի փորձարկման ժամկետները: Այս մասին հայտնել է Հարավային ռազմական օկրուգի մամուլի ծառայությունը:
Վերջինիս հաղորդմամբ՝ պետք է փորձարկվեն նորակառույց «Ուգլիչ» և «Գրադ Սվիյաժսկ» հրթիռակիր փոքր ռազմանավերը: Կասպյան նավատորմի հրամանատարությունն այդ ռազմանավերն արտադրող Զելենոդոլի գործարանի ներկայացուցիչների հետ համաձայնեցնելու է Կասպից ծովի ջրատարածությունում տվյալ ռազմանավերի փորձարկման ժամկետները:
