Քարդաշյանների այցելության օրերին Վիքիպեդիայում Հայաստանի վերաբերյալ դիտումների քանակը բազմապատկվել է
«Վիքիմեդիա Հայաստան» գիտակրթական հասարակական կազմակերպության նախագահ Սուսաննա Մկրտչյանը 168.am-ին տեղեկացրեց, որ վերջին շաբաթվա ընթացքում Վիքիպեդիա օնլայն հանրագիտարանում անգլերենով Հայաստանի և Հայոց Ցեղասպանության մասին նյութերի դիտումները 3 անգամ գերազանցել են դրան նախորդող շաբաթվա դիտումների քանակին:
Եթե ապրիլի 1-ին Հայոց Ցեղասպանության մասին նյութը կարդացվել է մոտավորպես 5 հազար անգամ, ապա ապրիլի 12-ին այդ նյութի դիտումների թիվն անցել է 30 հազարից: Իսկ Հայաստանի մասին անգլերեն գրված նյութը Վիքիպեդիայում դիտվել է մոտավորապես 6000 անգամ, ապրիլի 12-ին այն գերազանցել 15 հազարը:
