«Փաստն այն է, որ մինչև հիմա ՀՀ քննիչը չի կարողացել հանդիպել կասկածյալի հետ։ Հիմա էլ Գևորգ Կոստանյանն ասում է՝ հանրապետության տարածքում։ Ի՞նչ նկատի ունի… ռուսական ռազմաբազայի տարածքը դե յուրե համարվում է ՌԴ տարածք։ Եթե դա ՀՀ տարածք է, ինչո՞ւ չեն մտնում ՀՀ ոստիկանները և բերման ենթարկում, ձերբակալում կասկածյալին»:
«Ես դիմում եմ Հայաստանի Հանրապետության բոլոր քաղաքացիներին: Այսօր Գյումրիում վերջին հրաժեշտը տվեցին Ավետիսյանների ընտանիքին: Եվս մեկ անգամ կցանկանայի ցավակցություն հայտնել նորմալ մարդու գիտակցության մեջ չտեղավորվող հանցավոր գործունեության անմեղ զոհերի հարազատների եւ մտերիմներին: Նման գազանությունները չունեն արդարացում, դրանք չունեն ոչ ազգություն, ոչ պետական պատկանելիություն: Դեսպանատան բոլոր աշխատակիցները Հայաստանի եղբայրական ժողովրդի կիսում են հետ այս կորստի ցավը»:
«Կարծում եմ, որ ՀՀ գլխավոր դատախազությունը կպահանջի այդ փոխանցումը, որպեսզի գործընթացները լինեն այնպես, ինչպես ակնկալում է մեր հասարակությունը»:
ՀՀ գլխավոր դատախազ Գևորգ Կոստանյանը Շիրակի մարզի դատախազի միջոցով ցուցարարներին առաջարկեց 30 հոգանոց խմբերով մտնել դատախազության շենք և հանդիպում ունենալ։
Դրանից հետո հետաքննիչը սպառնացել է Արմեն Շ.-ին` ասելով, որ եթե շարունակի բողոքել «Հրազդան» քրեակատարողական հիմնարկի պաշտոնատար անձանց դեմ, ապա վերը նշված բողոքի նյութերով քրեական գործ կհարուցվի:
Մահացել է «Ազատ դեմոկրատներ» կուսակցության նախագահ, ՀՀ ԱԺ պատգամավոր Խաչատուր Քոքոբելյանի մայրը` Զեմֆիրա Քոքոբելյանը:
Ցուցարարները պահանջում են, որ ընտանիքի անդամների սպանդի համար մեղադրվող՝ 102-րդ ռազմաբազայի ռուս ժամկետային զինծառայող Վալերի Պերմյակովին հանձնեն Հայաստանի արդարադատության համակարգին:
Ինչ վերաբերում է շրջանառվող այն լուրերին, որ Արսեն Բաղդասարյանը ցանկություն է հայտնել երրորդ երկիր տեղափոխվել, ԿԽՄԿ-ն չմեկնաբանեց:
Սիրելինե՛րս, ամեն ինչ օրինական էր. եւ՛ մեր բոլոր գործողությունների, եւ՛ սահմանապահներին ներգրավելու ու վստահելու, եւ՛ զինված լինելու եւ՛ մնացած ամեն ինչի բոլոր օրինական հիմքերը կային ու կան: Ոստիկանությունն անօրինական գործողություն չի անում: Ձեզ թվում է՝ անօրինականությամբ օրե՞նք կպահենք: Կամ հնարավո՞ր է ոմանց պրիմիտիվ մտածողությամբ օպերատիվ-հետախուզական գործունեություն իրականացնել:
«Գյումրիի ողբերգության մասին խոսելու և ճիշտ ենթադրություններ անելու համար պետք է սպասել հետաքննության արդյունքներին, բայց հիմա արդեն պարզ է, որ մենք գործ ունենք ոչ թե «ճղճիմ մի չարիքի» հետ, որին առնչվեց Հաննա Արենդտը՝ նացիստ Ադոլֆ Էյխմանի դատավարությունը լուսաբանելիս: Էյխմանի մոտ չարագործությունը «պարտքի հանձնարարությունների», և հրամանների կատարման միջոցով արդարացնելու անհրաժեշտություն կար: Պերմյակովը հայտնի «Լարված նարինջ» ֆիլմում արտահայտված պսիխոպատիայի և անիմաստ բռնության սահմաններից էլ դուրս գտնվող մի չարիք է»:
Հունվարի 15-ին, ժամը 09.56-ին ահազանգ է ստացվել, որ ս.թ. հունվարի 8-ին տեղի ունեցած երկրաշարժի հետևանքով Սյունիքի մարզի Գորիս քաղաքի Թանգուն ձոր թաղամասի թիվ 30 տան մոտակա սարի վրա (տանից 6 մ հեռավորության վրա) առաջացել են ճաքեր, առկա է փլուզման վտանգ. անհրաժեշտ է օգնություն:
Քիչ առաջ ցուցարարները փորձում էին որոշ պաստառներ և գրություններով թերթիկներ հանձնել ՌԴ դեսպանատանը։ Սակայն ոստիկանները նրանց թույլ չէին տալիս ինչի արդյունքում կրկին բախումներ տեղի ունեցան ոստիկանության աշխատողների և ցուցարարների միջև։
Ոստիկանների և ցուցարարների միջև բախում է տեղի ունենում. ոստիկանները ուժով հեռացնում են ակցիայի մասնակիցներին դեսպանատան տարածքից: Նրանցից մեկը ցուցարարի ձեռքից վերցրեց Հայաստանի դրոշն ու գցեց գետնին:
«Ոչ մեկի ուղեղի մեջ չի տեղավորվում, թե ինչ դաժան մարդ պետք է լինի, որ երեխայի վրա զենք բարձրացնի: Բոլորովին աննորմալ երևույթ է: Մեր իշխանությունները տեղյակ են գործից: Իմ տեղեկություններով` այսօր պետք է ժամաներ Պաշտպանության նախարարության հանձնաժողովը գործի մանրամասները քննելու համար»:
Լարված իրավիճակը ավելի է թեժանում ՀՀ-ում ՌԴ դեսպանատան շենքի դիմաց։ Ցուցարարները փորձում են ուժով մոտենալ դեսպանատան շենքին, սակայն ոստիկանները թույլ չեն տալիս։ Ցուցարարներից ոմանց, այդ թվում նաև կինոռեժիսր Տիգրան Խզմալյանին՝ ոստիկանները բերման են ենթարկել։ Նշենք նաև, որ ցուցարներից ոմանց ինքնազգանցողությունը վատացել է այդ բախումների հետևանքով։
Ոստիկանները բացատրեցին, որ չի կարելի կանգնել այդտեղ։ Սակայն Վարդգես Գասպարին որևէ կերպ չարձագանքեց նրանց զգուշացումներին։ Երբ նրան ուզում էին ուժով մայթ դուրս բերել՝ նա հանկարծակի պառկեց գետնին։ Ոստիկանները նրա ոտքերից և ձեռքերից բռնած տեղափոխեցին դիմացի մայթեզր։ Այժմ նա պառկած է մայթին փոքրիկի լուսանկարը ձեռքին։
Այժմ թեժ իրավիճակ է ՀՀ-ում ՌԴ դեսպանատան դիմաց: Ինչպես արդեն տեղեկացրել ենք՝ Գյումրիի ողբերգական դեպքի կապակցությամբ բողոքի ակցիա կազմակերպած քաղաքացիների և ոստիկանների միջև անընդհատ բախումներ են տեղի ունենում։
Բողոքի ակցիայի ընթացքում պարբերաբար բախումներ են տեղի ունենում ոստիկանության աշխատակիցների և ցուցարարների միջև։ Ոստիկանները ցուցարարներին թույլ չեն տալիս մոտենալ ՌԴ դեսպանատանը։ Ակցիայի ընթացքում լարված իրավիճակի պատճառով վատացել են մի շարք քաղաքացիների և լրագրողների ինքնազգացողությունը։
«Կամ՝ տեղի է ունեցել սարսափելին, որի մասշտաբների մասին մենք էլ չենք պատկերացնում, նկատի ունեմ ոճիրի բնույթը, միգուցե դա իսկապես շատ առանձնահատուկ օպերացիա է, դիվերսիա է, որի թիրախը կարող է լինել հայ-ռուսական հարաբերությունները, որի թիրախը կարող է լինել ռուսական ռազմաբազան և այլն: Կամ՝ իսկապես, մի շատ աշխարհաքաղաքական նշանակության մի բան է տեղի ունեցել, որ իրենք այդպես գլխապատառ եկել են և փորձում են հասկանալ»,- ասում է նա:
«Այսուհետ շատ ուշադիր ենք լինելու սահմանամերձ՝ սահմանապահ համայնքների բնակիչների հգսերին»,- ասաց վարչապետը:
Հունվարի 14-ին, կյանքի 72-րդ տարում, երկարատև հիվանդությունից հետո վախճանվել է ճանաչված դերասան, ՀՀ արվեստի վաստակավոր գործիչ Անդրանիկ Հարությունյանը:
Հանգչեք խաղաղությամբ, Ավետիսյանների ընտանիք: Աշխարհում գտնվող յուրաքանչյուր հայի պարտքն է օգնել եւ աջակցել փոքրիկ հրեշտակ Սերյոժա Ավետիսյանին: Մեր քաղաքը՝ Գյումրին, շատ ծանր պահեր է ունեցել:
«Մի քանի ցուցիչային, ինդիակատոր գործողություններ կան, որոնք մեզ ապացուցում են, որ դոմինանատը մնում է ռուսական կողմը՝ մեղադրանք ներկայացնելուց հետո կալանաքի որոշում, և այդ մարդու գտնվելու տեղը»,- այսօրվա ասուլիսի ժամանակ նման տեսակետ հայտնեց Գյումրիի ժուռնալիստների «Ասպարեզ» ակումբի նախագահ Լևոն Բարսեղյանը՝ խոսելով Գյումրիում օրերս կատարված ողբերգական դեպքի հիմնական կասկածյալ Վալերի Պերմյակովի գործի դատավարության մասին:
Այս պահին Գյումրիի գերեզմանատանը տեղի է ունենում Ավետիսյանների ընտանիքի 6 անդամների հուղարկավորության արարողության: Գերեզմանատունը բազմամարդ է, այնտեղ են են նաև մեծ թվով շտապօգնության բուժաշխատողներ, որոնք մահվան թափորի մեջ շրջելով արագ բուժօգնություն են ցուցաբերում մարդկանց:
«Մեր ուսումնասիրությունները ցույց են տալիս, որ միջպետական պայմանագրով և այսօրվա մեր օրենսդրությամբ՝ սպանության գործի ընդդատությունը պատկանում է Հայաստանի Հանրապետությանը: Եվ մենք ակնկալում ենք, ինչպես երեկ խոստացավ ՀՀ գլխավոր դատախազը, որ քննությունը և հետագա ընթացքը տեղի կունենա ՀՀ-ում և այդ կասկածյալը պատասխանատվության կենթարկվի ՀՀ օրենսդրությամբ և ՀՀ իրավապահ համակարգի կողմից»,- այսօր կառավարության նիստից հետո լրագրողների հետ ճեպազրույցում հայտարարեց ՄԻՊ Կարեն Անդրեասյանը:
Հակառակորդը երեկ՝ հունվարի 14-ին, կրակել է Չինարի գյուղի ուղղությամբ, ինչի հետեւանքով վնասվել են 4 տների տանիքներ, պատեր:
Քննիչն այժմ «Գյումրու տուն ինտերնատում» է, ուսումնասիրում է այն սենյակը, որտեղ ըստ նախնական տեղեկությունների՝ ջերմատաքացուցիչի վրա ընկած ծածկոցից տեղի է ունեցել թերայրում, ինչից ծխահարվել ու երկու կին է մահացել: Այս մասին 168.am-ի հետ զրույցում ասաց «Գյումրու տուն ինտերնատի» տնօրեն Ներսես Մարգարյանը: Նրա խոսքով՝ դեպքը տեղի է ունեցել առավոտյան 06:00-ի սահմաններում: Նա տեղեկացրեց նաև, որ Հ. Ա.-ն տուն ինտերնատ է տեղափոխվել երկրաշարժից հետո, իսկ Ա. Օ.-ն՝ 2012թ.:
Հունվարի 15-ին ժամը 06:00-ի սահմաններում Գյումրու տուն-ինտերնատում տեղի է ունեցել դժբախտ դեպք, որի հետևանքով մահացել են տուն ինտերնատի 2 բնակիչ:
Սպանդի զոհ դարձած Ավետիսյանների ընտանիքի 6 անդամների հուղարկավորությունը. Ուղիղ միացում Գյումրիի գերեզմանատնից
«Մեղադրյալը պետք է փոխանցվի մեր իրավապահ համակարգին, մեղադրանք է ներկայացրել ռուսական կողմը: Մերոնք պետք է ներկայացնեն, կալանքի որոշումը մերոնք պետք է կայացնեն, մեր կալանատանը պետք է պահվի, դատաքննությունը մերոնք պետք է իրականացնեն՝ որպես դոմինանատ, գլխավոր որոշում կայացնող, ռուսներն էլ թող օգտակար լինեն՝ ինչպես կկարողանան: Պետք է դատվի ՀՀ-ի դատարանում և պատիժը պետք է կրի Հայաստանում: Սրանք մի ամբողջ պահանջի բաղադրիչներն են, որոնք ներկայացվել է երեկ, քննարկվել է այդ հանրաահավքի ժամանակ, որևէ մեկը չի առաջարկել, հանրության մեջից տարբեր մտքեր են եղել»:
