Խորհրդատվական խումբը ներկայացված տեղեկատվության վերլուծության արդյունքում՝ ելնելով Մարդու իրավունքների եվրոպական դատարանի դատավորին ներկայացվող անձնական և մասնագիտական բարձր որակական հատկանիշների վերաբերյալ պահանջներից, Հայաստանի Հանրապետության կողմից Եվրոպայի խորհրդի խորհրդարանական վեհաժողովին ներկայացվելիք դատավորի երեք թեկնածուների վերաբերյալ կարծիք է հայտնել առ այն, որ թեկնածուներից երկուսը՝ Արայիկ Ղազարյանը և Արմեն Հարությունյանը, բավարարում են Մարդու իրավունքների եվրոպական դատարանի դատավորին ներկայացվող պահանջներին:
ՀԺԿ նախագահ Ստեփան Դեմիրճյանը կուսակցության անդամների հետ մեկնել է Գյումրի՝ մասնակցելու փոքրիկ Սերյոժա Ավետիսյանի հոգեհանգստի արարողությանը:
Հայ մշակութային հանրությունը ողջ հայության հետ խնկարկում է Գյումրիի անմեղ զոհերի հիշատակը…
Հունվարի 13-ին, ժամը 14.55-ին, ոստիկանության Կենտրոնականի բաժնում հաղորդում էր ստացվել, որ թիվ 8 համարի երթուղային միկրոավտոբուսում գողացել են ուղևորուհու դրամապանակը, որի մեջ եղել է 88.000 դրամ, բանկային քարտեր` պատճառելով 98.000 դրամի նյութական վնաս:
«Հայաստանում Ֆրանսիայի դեսպանությունն իր անկեղծ ցավակցություններն է հայտնում հունվարի 11-ի լույս 12-ի գիշերը Գյումրիում անմեղ ընտանիքի սպանության արդյունքում վիրավորված և հունվարի 19-ին մահացած վեց ամսական Սերյոժա Ավետիսյանի հարազատներին և կիսում հայ ժողովրդի անսահման վիշտը»:
«Նման բան չի լինի, քանի որ դա որոշում է ոչ թե Երևանը, այլ Մոսկվան: Այնպես որ, չարժե այդ սցենարը դիտարկել նույնիսկ: Մոսկվան չի հրաժարվի այդ բազայից»,- Գյումրիից ռուսական ռազմաբազայի դուրսբերման պահանջի մասին ասում է քաղաքական վերլուծաբան Կոնրադ Զաշտովտը:
«Տպավորություն է, որ ձեզանից շատերը ավելի շատ հետաքրքրված էին Պերմյակովի շահերի պաշտպանությամբ կամ ձեր գործընկերով: Եվս մեկ անգամ կրկնում եմ` իմ ամեն մի արարքը բացատրություն ունի: Ուղղակի ձեզնից ոչ ոք չուզեց դրանք իմանալ և հասկանալ: Անչափ շնորհակալ եմ բոլորիդ, իսկապես շնորհակալ եմ իմ ընկերներին, ովքեր հոյակապ մեկնաբանություններ են գրել ու էլի իմ կողքին են»,- գրում է Թամարա Յայլոյանը:
Ռուսաստանի և Հայաստանի Քննչական կոմիտեների ղեկավարներ՝ Ալեքսանդր Բաստրիկինը և Աղվան Հովսեփյանը քիչ առաջ ժամանել են Գյումրիի ռուսական 102-րդ ռազմաբազա:
Ալեքսանդր Սիրունյանի խոսքով, այդ պատճառաբանությունը այնքան էլ խելամիտ չէ. «Դառնալու էր հակառուսական ծրագիր, որովհետեւ հակառակ կարծիքներ չէին լինելու: Բոլորը ում հանդիպել ենք ОРТ-ի հանդերձարանում, հայամետ դիրքորոշում ունեին: Ավելին` մեծ դերասանուհի Սվետլանա Սվետլիչնայան ցավակցեց ու ներողություն խնդրեց»,- ասաց փաստաբան Ա. Սիրունյանը:
«Մենք պահանջում ենք Ռուսաստանի իշխանություններից ձերբակալված Վալերի Պերմյակովին անհապաղ հանձնել ՀՀ պատկան մարմիններին` համաձայն «Հայաստանի Հանրապետության տարածքում ռուսաստանյան ռազմական բազայի գտնվելու հետ կապված գործերով իրավասության և փոխադարձ իրավական օգնության հարցերի մասին համաձայնագրի» 4-րդ հոդվածի: Պերմյակովը պիտի դատվի ՀՀ օրենքներով և Հայաստանի տարածքում»:
Արդյունքները բավականին անսպասելի են: Այսպես՝ համացանցում հարցմանը մասնակցած 31 285 մարդկանց 82%-ը գտնում է, որ ռուս զինվորին պետք հանձնել ՀՀ իշխանություններին, 13%-ը դեմ է, 5%-ը դժվարացել է պատասխանել: Հեռախոսային հարցմանը մասնակցել է 377 մարդ, որոնց 82%-ը կրկին կողմ է արտահայտվել, իսկ 18%-ը՝ դեմ:
Երեւանի Կենտրոն վարչական շրջանի աղբահանության եւ սանմաքրման նախկին աշխատակիցները քաղաքապետարանից պահանջում են վերջնահաշվարկ ներկայացնել, իսկ մաքրության նոր օպերատոր «Սանիտեկ» լիբանանյան ընկերությունից` վճարել դեկտեմբերին կատարած մաքրման աշխատանքների համար եւ պայմանագրով իրենց աշխատանքի վերցնել:
ՀՀ քննչական կոմիտեի նախագահի հրավերով հունվարի 19-ին երկօրյա աշխատանքային այցով Երևան է ժամանել ՌԴ քննչական կոմիտեի նախագահ Ալեքսանդր Բաստրիկինը: ՀՀ քննչական կոմիտեի նախագահի խորհրդական Սոնա Տռուզյանը 168.am-ին տեղեկացրեց, որ Հայաստանի և Ռուսաստանի քննչական կոմիտեների ղեկավարները համաձայնություն են ձեռք բերել քննության շրջանակներում իրականացնել համատեղ և փոխհամագործակցված գործողություններ:
«Այս պահին ասում են, որ մեր դաշնակիցն են, բայց մի օր կարող է փոխվել: 100 տարի առաջ բոլշևիկներն են Քեմալին ոսկին տվել, որ նա զինվել է: Բացեք, նայեք Էրդողանի և Պուտինի մամուլի ասուլիսը, նման մերձեցումը մեզ համար շատ վտանգավոր է, մենք իրավունք չունենք` չգնահատենք ու զգայուն չլինենք»:
Հունվարի 20-ին, ժամը 13.25-ին ահազանգ է ստացվել, որ Գյումրի քաղաքի Լենինգրադյան փողոցի նախկին շտապօգնության տարածքում բախվել են «ՎԱԶ-2107» և «Վոլկսվագեն» մակնիշի ավտոմեքենաները, կան տուժածներ. անհրաժեշտ է փրկարարների օգնությունը:
«Չեմ կարծում, թե Պերմյակովի մեկնաբանությունը` իբր մտել է ջուր խմելու, պետք է լուրջ ընդունենք: Նա հանցանք է գործել, ոճիր է գործել, պետք է դրա պատասխանը ստանա: Ասում են` հոգեկան շեղումներ է ունեցել: Շատ լավ, եթե նա տկարամիտ մարդ է` թող ըստ դրա դատեն, իսկ եթե գիտակցորեն է նման քայլի դիմել` ըստ այդմ էլ պետք է դատեն: Պետք չէ հեքիաթներ պատմել»:
«Կարծում եմ, որ հստակ ի սկզբանե մեր ժողովրդի հետ պետք էր խոսել, ի սկզբանե պետք էր ասել այն քայլերը, ինչը պատրաստվում ենք անել: Բնականաբար, ոչ ոք չէր կարող ասել, թե ինչի կարող են հասնել իրենց քայլերով, բայց դա հստակ պետք է արվեր, ոչ թե ՌԴ Սահմանադրությունից անընդհատ մեջբերումներ բերել: Ես անընդհատ ուզում էի մեր Սահմանադրությունից, անկեղծ ասած, լսել, չէի լսում»,- այսօր լրագրողների հետ հայտարարեց ԲՀԿ-ական պատգամավոր Ստեփան Մարգարյանը՝ խոսելով Գյումրիի դեպքերի վերաբերյալ:
168.am-ի տեղեկություններով՝ ՀՀ վարչապետ Հովիկ Աբրահամյանը ներկա է լինելու փոքրիկ Սերյոժա Ավետիսյանի հոգեհանգստի և հուղարկավորության արարողություներին:
ՀՅԴ Հայաստանի Գերագույն Մարմինը խոր կսկիծով ստացավ Գյումրիում հունվարի 12-ին անմարդկային սպանդի հետեւանքով վիրավորված եւ 7 օր շարունակ կյանքի ու մահվան միջեւ պայքարող 6-ամսյա փոքրիկ Սերյոժայի մահվան բոթը: Մեր ողջ կազմակերպության անունից ցավակցում ենք եւ կիսում Ավետիսյան գերդաստանի, գյումրեցիների, մեր ողջ ժողովրդի վիշտը, ցավն ու բողոքը:
«Ես համարում եմ, որ այսօր իրականում Հայաստանում իշխանություն չկա, որովհետև եթե ունենայինք իշխանություն, նրանց վերաբերմունքը համարժեք կլիներ Գյումրիում տեղի ունեցած ողբերգության չափերին: Իշխանությունն իրեն ադեկվատ չպահեց, իշխանությունը չգիտակցեց: Տվյալ դեպքում խոսքը վերաբերում է Սերժ Սարգսյանին, որ ինքը երկիր է ներկայացնում, ինքը ազգ է ներկայացնում և պետք է կարողանա պաշտպանել ազգի արժանապատվությունը»:
Հարցին, թե որքանո՞վ են ադեկվատ իշխանության քայլերը, Տ.Ուրիխանյանը նշեց, որ արժանապատիվ չէ խոսել որևէ այլ ձևաչափի և երանգավորումների մասին:
«Չկան ապացույցներ, որ այնտեղ ոչ թե Պերմյակովի շորերն ու կոշիկներն են հայտնվել, այլ եղել է ինքը անձամբ: Այդ առումով՝ կասկածի տակ եմ դնում այն միակ վարկածը, որ մեզ տրամադրել են այսքան բարդ իրավիճակում: Եթե նա լքել է բազան, ինչո՞ւ գոնե 2 ժամ հետո դա հայտնի չի եղել հայկական պատկան մարմիններին: Երկրորդ վարկածը, որը չի դիմանում քննադատության՝ այն է, որ նրան գտել են սահմանի մոտ: 15 կմ-ի վրա գտնվող բազայից ինչպե՞ս է նա այդտեղ հասել և ինչո՞ւ մեղադրանքների մեջ չկա սահմանն անցնելու փորձը»,- այսօր լրագրողների հետ հանդիպման ընթացքում ասաց «Ընդդեմ իրավական կամայականություննրի» ՀԿ նախագահ Լարիսա Ալավերդյանը:
Ինչպե՞ս մեկ մարդ մտավ, 5 չափահաս մարդու տարբեր սենյակներում գնդակահարեց և ոչ ոք անկողնուց վեր չկացավ. բոլոր դիակները եղել են բնական ձևով անկողնու մեջ: Այդ բակն ընդհանուր բակ է ու, բացի նրանցից՝ երկու ընտանիք է ապրում. այդ կրակոցների ձայները ինչպե՞ս չեն լսել: Բոլորի համար զարմանալի է նաև այն, որ եթե Պերմյակովը մարդասպան էր ու ցանկանում էր փախչել, ինչո՞ւ էր իր շորերն ու այդ գրությունը թողնում: Գյումրեցիներն ուզում են ստանալ այս հարցերի պատասխանները: »,-պարզաբանումներ նա:
ԲՀԿ նախագահ Գագիկ Ծառուկյանի կողմից այսօր «Մուլտի Գրանդ» հյուրանոցային համալիրում հրավիրված «Ոչ իշխանական ուժերի և հասարակական կազմակերպությունների խորհրդաժողովը» չկայացավ, թեև հյուրերը ժամանել էին և սեղանները գցված էին: Գ. Ծառուկյանը հայտարարեց, որ Գյումրու դեպքերի հետ կապված «ավել-պակաս խոսակցությունների տեղիք չտալու» համար խորհրդաժողովը հետաձգվում է:
Այսօր՝ ժամը 17.30, ԱՀԹ առաջնորդնիստ Սուրբ Սարգիս եկեղեցում տեղի կունենա հոգեհանգստյան կարգ՝ ի հիշատակ փոքրիկ Սերյոժայի և Ավետիսյան ընտանիքի անդամների:
Այս օրերին, հատկապես՝ Ավետիսյանների ընտանիքի վերջին շառավղի՝ մանկահասակ Սերյոժա Ավետիսյանի մահվան պատճառով, ժողովրդի ցասումը հասել է գագաթնակետին, ինչը կարող է առիթ տալ հակառակորդին ձեռնտու ինքնաբուխ և հախուռն ընդվզումների:
Այսօր ասուլիսում լրագրողները ԱԺ ՀՀԿ խմբակցության պատգամավոր Սուքիաս Ավետիսյանից հետաքրքրվեցին՝ արդյոք նա ճի՞շտ է համարում Գյումրիի ողբերգական դեպքերի կապակցությամբ Հանրապետությունում սգո օր չհայտարարելու հանգամանքը:
ՀՀԿ խմբակցությունն իր խորին ցավակցությունն է հայտնում Ավետիսյանների հարազատներին, գյումրեցիներին, հայ ժողովրդին փոքրիկ Սերյոժայի մահվան կապակցությամբ: Ցավոք, չհաջողվեց փրկել երեխայի կյանքը, և վերջին լույսը մարեց բոլորիս սրտերում:
Նախագահ Բակո Սահակյանը հունվարի 20-ին ստորագրել է հրամանագիր, համաձայն որի` ԼՂՀ պետական սահմանը պաշտպանելիս ցուցաբերած արիության համար ԼՂՀ պաշտպանության բանակի N զորամասի զինծառայող Սուրեն Փիլոսյանը հետմահու պարգեւատրվել է «Արիության համար» մեդալով։
«Իսկ ինչ վերաբերում է նախագահի ներկա չգտնվելուն այդ հուղարկավորությանը, ապա պիտի ասեմ, որ երկրի երկրորդ դեմքը՝ ԱԺ նախագահ Գալուստ Սահակյանը ներկա էր, և դա, կարծում եմ, նորմալ էր, իսկ նախագահը, վարչապետը ցավակցել են: Չեմ կարծում, որ երկրի բոլոր ղեկավարները պետք է միաժամանակ գային և սգային հենց տեղում»:
