ՀՀ Քաղաքացիական օրենսգրքի 1099-րդ հոդվածի 3-րդ կետի համաձայն՝ որպես անհիմն հարստացում՝ ենթակա չեն վերադարձման քաղաքացու մոտ «անբարեխղճության» բացակայության դեպքում նրան որպես գոյության միջոց (խեղճ ըլնի ինքը) վճարված աշխատավարձը և դրան հավասարեցված վճարումները)…
Չինաստանում փետրվարի 26-ի տեղական ժամանակով 00:00-ի դրությամբ գրանցվել է Covid-19 կորոնավիրուսի հարուցած թոքաբորբից մահվան 52 դեպք եւ հայտնաբերվել է 406 նոր հիվանդացած:
Հայաստանի Հանրապետության արտաքին գործերի նախարար Զոհրաբ Մնացականյանը փետրվարի 25-ին հեռախոսազրույց է ունեցել Եվրոպական Միության արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Ջոզեֆ Բորելի հետ:
Սեուլը հայտնել է մեկ օրում նոր տիպի կորոնավիրուսով հիվանդանալու 169 նոր դեպքերի մասին, փետրվարի 26-ին հայտնել է Yonhap գործակալությունը։
«Սասնա Ծռեր» համահայկական շարժումը, հիմք ընդունելով Հայաստանում առկա «Քաղաքացիական պայմանագիր» վերադարձի հիմնադրամի փորձն ու նրա գործունեության իրավական և կիրառական մեխանիզմները, վերջինիս օրինակով 2019 թ. մարտի 7-ին ստեղծել է «Սասնա Ծռեր» համահայկական շարժման աջակցության հիմնադրամը (այսուհետև՝ նաև Հիմնադրամ):
ԱՄՆ-ի նախագահ Դոնալդ Թրամփը մեկ տարով երկարաձգել է Ռուսաստանի դեմ պատժամիջոցները, որոնք սահմանվել են 2014 թվականի մարտին Ղրիմում ստեղծված իրադրության պատճառով:
Բրազիլիայի առողջապահության նախարարությունը փետրվարի 25-ին հայտնել է կորոնավիրուսի նախնական թեստի դրական արդյունքի առաջին դեպքի մասին: Կենսանյութի նմուշները հաստատման համար ուղարկվել են պրոֆիլային ինստիտուտ։
Ի՞նչ արդյունքներ գրանցեց Մյունխենում Ալիև-Փաշինյան բանավեճն ու հանդիպումը: Որքանո՞վ էր այն արդյունավետ և ի՞նչ ակնկալել խաղաղ կարգավորման հետագա գործընթացից: Այս հարցերն են քննարկում վերլուծաբանները: Այս մասին տեղեկացնում է «Ամերիկայի ձայնը»:
Թուրք սյունակագիր Օրհան Քեմալ Չենգիզը 2020 թ. փետրվարի 18-ին հոդված է գրել թուրքական «Ալ-Մոնիտոր» կայքում՝ «Ինչո՞ւ է կիպրացի թուրք ղեկավարը «թշնամի» հռչակվել Թուրքիայում» վերնագրով։ Հոդվածում ներկայացված են Թուրքիայի կառավարության և թուրքական Կիպրոսի ղեկավարի միջև առկա հակասության մանրամասները:
Ընդհանուր առմամբ այս գործի քննության ընթացքում ՀՀ երկրորդ նախագահ Ռոբերտ Քոչարյանը մոտ 5 ամիս գտնվել է ազատության մեջ, և որևէ մեկը չի կարող ասել, որ նա որևէ անգամ գործի վրա ազդելու կամ խոչընդոտելու փորձ է կատարել, և այս պայմաններում Քոչարյանին պահում են կալանքի տակ զուտ մեկ մարդու, տվյալ դեպքում վարչապետ Նիկոլ Փաշինյանին հաճույք պատճառելու համար: Այս մասին «Փաստինֆո»-ի եթերում ասել է Ռոբերտ Քոչարյանի պաշտպանական խմբի անդամ Հայկ Ալումյանը
Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) նախագահ Քեմալ Քըլըչդարօղլուն կոշտ կերպով է արձագանքել Թուրքիայի նախագահ Ռեջեփ Թայիփ Էրդողանի վերջին հայտարարություններին, որոնք վերաբերում էին թուրքական զինուժի կորուստներին։ Այս մասին տեղեկացնում է ermenihaber.am-ը:
«Հրապարակ» թերթը գրում է. «ԱԺ ԲՀԿ խմբակցության անդամ Տիգրան Ուրիխանյանը փետրվարի 11- ին հայտարարություն արեց «Բարգավաճ Հայաստան» խմբակցությունից դուրս գալու մասին եւ ասաց, որ այսուհետ որպես անկախ պատգամավոր է հանդես գալու: Պատճառը նա չբացատրեց, միայն գրեց. «Բազմաթիվ իրադարձություններ, վերջին տարիների ընթացքում գոյացնելով մի իրավիճակ, որն անպայման պետք է փոխվեր, ստիպեցին վերջապես կայացնել «Բարգավաճ Հայաստան» խմբակցությունից դուրս գալու որոշում»:
Արայիկ Հարությունյանը ֆեյսբուքյան իր էջում գրում է. «Եթե կուսակցությանը պետք է հազար դրամ, մենք գտնում ենք հազար հոգի, ով կտա մեկ դրամ, այլ ոչ թե մեկ հոգի, ով կտա հազար դրամ:
Ռուբեն Մելիքյանը ֆեյսբուքյան իր էջում տարածել է այս նկարները՝ գրելով. «Հրավիրատոմսում նշված է՝ «հանգանակված միջոցներն ուղղվելու են հանրաքվեի քարոզարշավին»։ Մինչդեռ Վարչապետի գրառման մեջ նշված է՝ «հանգանակված միջոցներն ուղղվելու են Քաղաքացիական պայմանագիր կուսակցության ընթացիկ կարիքների ապահովմանը»։
«Փաստ» թերթը գրում է. «ՀՀ ընտրական օրենսգիրքը նախատեսում է ընտրությունների եւ հանրաքվեների ժամանակ ընտրատեղամասերում տեսախցիկների կիրառում՝ առցանց դիտարկման միջոցով թափանցիկությունը բարձրացնելու համար: Սակայն, «Փաստ» թերթի աղբյուրի փոխանցմամբ, իշխանությունները քննարկում են սահմանադրական հանրաքվեն առանց տեսախցիկների եւ օնլայն հեռարձակման անցկացնելու տարբերակը։
«Հրապարակ» թերթը գրում է. «Երեկ «Իմ քայլի» էլիտան առավոտից ոտքի վրա էր. դրամահավաքի գործընթացն ամբողջովին կլանել էր ակտիվին: Ճի՞շտ է, որ բոլոր գործարարներին, հանքարդյունաբերողներին իմքայլականները, այդ թվում եւ կառավարության աշխատակազմից, հորդորել են ակտիվ մասնակցել դրամահավաքին՝ հարցրինք «Իմ քայլից» Հրաչ Հակոբյանին։ «Ո՞վ է ասում, անունը տվեք, հիմա լիքը բան են ասելու էս ընթացքում»:
«Փաստ» թերթի աղբյուրների փոխանցմամբ, ՀՀ վարչապետ Նիկոլ Փաշինյանը հանձնարարել է ուժեղացնել ազգային անվտանգության ծառայության գաղտնալսում իրականացնող ստորաբաժանման աշխատանքներն ու զգալիորեն ավելացնել այդ գործով զբաղվողների քանակը:
«Ժողովուրդ» օրաթերթի տեղեկություններով՝ Հայաստանի անշարժ գույքի կադաստրի պետական կոմիտեում կադրային զտում է, եւ կոմիտեի նորանշանակ ղեկավար Սուրեն Թովմասյանը լծվել է հին կադրերից ազատվելու գործին: Սակայն թերթին հայտնի դարձավ, որ ներկայիս ղեկավարն այս ընթացքում փորձում է ձերբազատվել ոչ միայն Սարհատ Պետրոսյանի կադրերից, այլեւ նրանցից, որոնք տասնյակ տարիներ աշխատել են այս համակարգում:
«Ժողովուրդ» օրաթերթը գրում է․ «Երեկ «Դվին» ռեստորանում «Այո»-ի շտաբը կազմակերպել էր դրամահավաք-երեկո՝ Սահմանադրական հանրաքվեի քարոզարշավի ծախսերը հոգալու նպատակով: Արդյունքում հավաքվեց 205 մլն դրամից ավել գումար՝ առանց բանկային փոխանցումները հաշվարկելու: Թերթի տեղեկություններով՝ դրամահավաքին հիմնականում ներկա են եղել «Քաղաքացիական պայմանագիր» կուսակցության անդամները, այլ կուսակցություններից գործընկերներ, աջակիցներ։
«Հրապարակ» թերթը գրում է. «Մարտի 1-ի նախօրյակին սեւազգեստ մայրերը կրկին բարձրացնում են Մարտի 1-ի զոհերի իրավահաջորդներին 30 միլիոն դրամ փոխհատուցում տալու եւ իրենց չտալու թեման, համարում են, որ անարդար է Երեւանի կենտրոնում զոհվածներին փոխհատուցումներ տալ, իսկ բանակում զոհված իրենց որդիների համար՝ ոչ։ «Հանցագործության տուժողներին փոխհատուցում տրվում է քրեական դատավարության սահմանած կարգով, ես տեղյակ չեմ, թե ինչ հիմքով է տրվել այդ փոխհատուցումը, բայց եթե քրեական դատավարության կարգով տրված լիներ, ապա այն պետք է հաստատված լիներ համապատասխան դատավճռով»,- ասաց ՀՀ նախկին գլխավոր դատախազ Գեւորգ Կոստանյանը:
112 տարեկան հասակում փետրվարի 23-ին Ճապոնիայում վախճանվել է մոլորակի ամենատարեց բնակիչը՝ Վատանաբե Տիտեցուն: Այդ մասին հայտնել է Kyodo գործակալությունը՝ վկայակոչելով մահացածի ընտանիքին։
Իսպանացի օպերային երգիչ Պլաչիդո Դոմինգոն ներողություն է խնդրել այն կանանցից, որոնք նրան ավելի վաղ մեղադրել են սեռական ոտնձգությունների մեջ, այն ցավի համար, որը նրանց պատճառել է:
Աշխարհի 500 ամենահարուստ մարդկանց միագումար կարողությունը փետրվարի 24-ին 139 միլիարդ դոլարով կրճատվել է ԱՄՆ-ում եւ այլ երկրներում ֆոնդային սակարկությունների ժամանակ ինդեքսների զգալի նվազման պատճառով:
Ճապոնիայի կառավարությունը բոլոր նախարարություններին եւ պետական հիմնարկություններին ցուցում է տվել առավելագույն թվով աշխատակիցների փոխադրել տնից աշխատանքի եւ ճկունորեն փոխել գրասնյակում նրանց լինելու ժամանակը, որպեսզի պայմաններ չստեղծվեն տրանսպորտում նոր կորոնավիրուսով վարակման համար:
«Նախ ուզում եմ արձանագրել, որ այսօր երկու նախագահների նկատմամբ այս դատավարությունները մեր պետության ամոթն են»,- 168TV-ի «Ռեվյու» հաղորդման ընթացքում ասաց ՀՀԿ ԳՄ անդամ Էդուարդ Շարմազանովը:
Սիրիական բանակը թուրքական զինված ուժերի կողմից բաց թողնված անօդաչու թռչող սարք է խոցել Իդլիբի տարածքում:
Բահրեյնում կորոնավիրուսով վարակման 6 նոր դեպք է արձանագրվել:
2008 թվականի «Մարտի 1»-ի գործն այս իշխանության քաղաքական թիվ մեկ օրակարգն է դարձել և անընդհատ քաղաքական որոշ շրջանակների կողմից շահարկումների առարկա է դառնում, բայց այս ամենին զուգահեռ՝ կան բազմաթիվ փաստեր, նյութեր, որոնց մասին այսօր այդ քաղաքական շրջանակները չեն խոսում, ուստի բացը լրացնելու համար է, որ «Այլընտրանք» հասարակական կազմակերպությունը դիմեց քաղաքացիներին՝ առաջարկելով՝ եթե ունեն որևէ տեսագրություն՝ այդ դեպքերի հետ կապված, տրամադրեն մեզ. Այսօր 168 TV-ի «Ռեվյու» հաղորդաշարի եթերում ասաց «Այլընտրանք» հասարակական կազմակերպության համահիմնադիր Նարեկ Մանթաշյանը։
Ամերիկացի քաղաքական գործիչ Հիլարի Քլինթոնը փետրվարի 25-ին Բեռլինում կայացած մամուլի ասուլիսում պատմել է, որ հիացած է այն բանով, թե ինչպես է ռեժիսոր Նանեթ Բուրշթեյնն իր կյանքի պատմությունը դարձրել գրավիչ սերիալ։
Իշխանափոխության առաջին իսկ օրից խոսվում է իշխանության եկած թիմի մասնագիտական անփորձության ու պրիմիտիվության մասին։ Դեռևս էյֆորիկ տրամադրություններ, գործող հեղափոխական իշխանություններից սպասելիքներ ունեցող շատերի կողմից հաճախ ենք լսում՝ «հակահեղափոխականներն ամեն ինչ մանիպուլյացնում են», «թողեք՝ աշխատեն», և այլն, սակայն դրան զուգահեռ՝ գրեթե ամենօրյա ռեժիմով ականատես ենք լինում իշխանության տարբեր բարձրաստիճան ներկայացուցիչների հերթական բացթողումներին, անպատասխանատու հայտարարություններին ու գործողություններին։
