Ավստրալիան կստանա միայն ԱՄՆ-ի շահագործած ատոմային սուզանավերը
ԱՄՆ-ն, Մեծ Բրիտանիան և Ավստրալիան համաձայնել են փոխել AUKUS ծրագրի պարամետրերը, որը Կանբերրային ամերիկյան արտադրության ատոմային սուզանավերի փոխանցում է նախատեսում, հայտնում է AFP-ն։
Թարմացված սխեմայի համաձայն, Ավստրալիան կստանա Virginia դասի երեք սուզանավ՝ բացառապես ԱՄՆ ռազմածովային ուժերի կազմում արդեն շահագործվողներից։ Ավելի վաղ ենթադրվում էր, որ փաթեթը կներառի երկու օգտագործված և մեկ նոր սուզանավ։
Ավստրալիայի պաշտպանության նախարար Ռիչարդ Մարլեսը ճշգրտումն անվանել է «ավելի ծախսարդյունավետ» և նախագծի իրականացումը հեշտացնող որոշում։ Ըստ նրա, բարդ և թանկարժեք համաձայնագրի շրջանակում առաջնահերթություն է դառնում «բարդության նվազեցումն ու արդյունավետության բարձրացումը»։ «Սա իսկապես ավելի շահավետ է ծախսերի տեսանկյունից։
Մենք փորձում ենք ծրագրի իրականացման յուրաքանչյուր փուլում ընտրել ամենախնայող լուծումները», — հայտարարել է նա։ Երեք երկրների պաշտպանության նախարարների համատեղ հայտարարության մեջ նշվում է, որ ԱՄՆ ռազմածովային ուժերի գործող կազմից սուզանավերի միասնական տիպի անցումը թույլ կտա պարզեցնել լոգիստիկան, սպասարկումն ու մատակարարման շղթաները։
AUKUS ծրագիրը մնում է Ավստրալիայի պաշտպանական ռազմավարության առանցքային տարրը, սակայն դրա արժեքը գնահատվում է տասնյակ միլիարդավոր դոլարներով և քննարկումներ է առաջացնում թե՛ ԱՄՆ-ում, թե՛ դաշնակիցների շրջանում։
