Ելակի օգտակար հատկությունները
Ելակը շատ օգտակար է տեսողության, ուղեղի նորմալ ֆունկցիայի համար։ Այն իջեցնում է արյան բարձր ճնշումը, բուժում է արթրիտը, հոդատապը և օգտակար է սրտային մի շարք հիվանդությունների համար:
Աչքերի համար
Տարիքի հետ պաշտպանիչ սննդարար նյութերի բացակայությունը, վնասակար օքսիդանտները կամ ազատ ռադիկալները մեծ վնաս են պատճառում աչքերին, որից էլ առաջանում է աչքերի չորությունը, տեսողական նյարդերի դեգեներացիան, տեսողության դեֆեկտները, և աչքերը խոցելի են դառնում տարբեր ինֆեկցիաների նկատմամբ: Ելակի հակաօքսիդանտները` վիտամին C-ն, ֆլավոնոիդները, ֆենոլիկ ֆիտոքիմիական նյութերը, Elagic թթուն օգնում են խուսափել վերը նշված առողջական խնդիրներից: Ելակը պարունակում է կալիում, որն էլ կարգավորում է աչքերի ճնշումը:
Քաղցկեղ
Վիտամին C-ն, ֆոլիաթթուն և ֆլավոնոիդներն ունեն հակաքաղցկեղածին և հակաօքսիդանտ հատկություններ, որոնք պայքարում են քաղցկեղի և ուռուցքի դեմ: Ելակի ամենօրյա օգտագործումը կանխում է քաղցկեղի բջիջների հետագա զարգացումը:
Սրտի հիվանդություններ
Ելակի մանրաթելը, ֆոլիաթթուն և հակաօքսիդանտներն ու ֆլավոնոիդները կրճատում են արյան մեջ խոլեստերինի մակարդակը: Ելակի մեջ առկա վիտամին B ընտանիքի անդամներն ամրացնում են սրտի մկանները և նպաստում սրտի աշխատանքի բարելավմանը:
Ուղեղի ֆունկցիա
Ուղեղի և նյարդային համակարգի ծերացման հետևանքով մարդիկ կորցնում են հիշողությունը և մարմնի շարժումների ակտիվությունը: Ազատ ռադիկալներն իրենց վնասակար ազդեցությունն են ունենում ուղեղի և նյարդային համակարգի վրա: Ուղեղի հյուսվածքները ենթարկվում են դեգեներացիայի, և նյարդերը թուլանում են: Վիտամին C-ն և ֆիտոքիմիական նյութերը չեզոքացնում են օքսիդանտների վնասակար ազդեցությունը և «վերանորոգում» են նյարդային համակարգը: Ելակը հարուստ է նաև յոդով, որը պատասխանատու է նյարդային համակարգի և ուղեղի նորմալ ֆունկցիայի համար:
Արթրիտ և հոդատապ
Ազատ ռադիկալների գործունեության հետևանքով դեգեներացիայի են ենթարկվում մկանները և հյուսվածքները: Ազատ ռադիկալներն առաջ են բերում արթրիտ և հոդատապ: Ելակի հակաօքսիդանտները և դետօքսիդանտներն օգնում են բուժել այս հիվանդությունները:
Արյան բարձր ճնշում
Ելակը պարունակում է կալիում և մագնեզիում, որոնք իջեցնում են արյան բարձր ճնշումը, որն առաջանում է նատրիումի մեծ քանակից:
Այլ հատկություններ
Ֆոլիաթթուն կանխում է արատավոր երեխաների ծնունդը: Վիտամին C-ն պայքարում է ինֆեկցիաների և մրսածության դեմ: Ելակի ֆիտոսննդարար նյութերն ունեն հակաբորբոքային հատկություններ:
Պատրաստեց 168.am-ը
