Քաղաքականություն

Հոկտեմբերի 29-ին ՀՀ արտաքին գործերի նախարարի պաշտոնակատար Զոհրաբ Մնացականյանը հանդիպել է ԵԱՀԿ Մինսկի խմբի համանախագահներ  Իգոր Պոպովի (Ռուսաստան), Ստեֆան Վիսկոնտիի (Ֆրանսիա), Էնդրյու Շոֆերի (ԱՄՆ), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրչիկի հետ:

Երևանի քաղաքապետի կողմից հոկտեմբերի 29-ին հրավիրված արտահերթ նիստում ավագանին ընտրեց Երևանի փոխքաղաքապետերին: Երևանի նոր փոխքաղաքապետերն են Տիգրան Վիրաբյանը, Սերգեյ Հարությունյանն ու Հայկ Սարգսյանը:

ՆԱՏՕ-ին Ուկրաինայի եւ Վրաստանի անդամակցությունը վիթխարի տնտեսական խնդիր կդառնա Ռուսաստանի համար, հարկ կլինի պաշտպանության գոտի կառուցել Սոչիի մերձակայքում:

Հոկտեմբերի 29-ին ՀՀ պաշտպանության նախարարի պաշտոնակատար Դավիթ Տոնոյանն ընդունել է հերթական տարածաշրջանային այցով Հայաստանում գտնվող Մինսկի խմբի համանախագահներ Իգոր Պոպովին, Էնդրյու Շոֆերին և Ստեֆան Վիսկոնտիին:

ԿԲ հասարակայնության հետ կապերի ծառայության ղեկավար Հարություն Բերբերյանը 168.am-ի հարցին ի պատասխան՝ հերքեց՝ «Նման բան չի եղել, «Մելլաթ» բանկի գործունեությունը երբևէ չի դադարեցվել»։

 Բելգիայում հետաքննությունը պարզում է ենթադրվող մի քանի միլիարդ եվրոյի ճակատագիրը, որն անհետացել է Լիբիայի նախկին ղեկավար Մուամար Քադաֆիին պատկանող հաշիվներից. մամուլում կասկածներ են հայտնվում, որը փողերը կարող էին օգտագործվել Լիբիայում տարբեր խմբավորումների ֆինանսավորման համար:

Բարձրագույն դատական խորհրդի նախագահ Գագիկ Հարությունյանը լրագրողների հետ զրույցում ամփոփելով ԲԴԽ վերջին վեց ամիսների աշխատանքները, տեղեկացրեց, որ հաջորդ տարվա հունվարի 1-ից դատական համակարգում ներդրվելու է մշտադիտարկման համակարգ, որը հնարավորություն կտա հետևելու, թե որ դատարանում քանի գործ է մուտք եղել։

Ինդոնեզիայի փրկարար ծառայության ներկայացուցիչները հոկտեմբերի 29-ին հայտարարել են, թե հույս չունեն, որ Ճավա կղզու արեւմտյան ափին Lion Air ավիաընկերության ինքնաթիռի կործանումից հետո կարող են ողջ մնացածներ լինել:

Ռուսաստանը, Մեծ Բրիտանիան, Չինաստանը, ԱՄՆ-ը եւ Ֆրանսիան հանդես են գալիս Միջուկային զենքի արգելման պայմանագրի (ՄԶԱՊ) դեմ եւ այն չեն ստորագրի:

«Ելնելով այս խոսակցություններից, մենք փորձեցինք ինչ-որ բան պարզել, բնականաբար, բոլորը հրաժարվեցին՝ ասելով, թե չեն զանգել, և այլն։ Բայց եթե խոսակցություններ կան, ինչպես ասում են՝ առանց ծուխ կրակ չի լինում, նշանակում է՝ ինչ-որ մեկը զանգահարել է»։

Հանրապետության նախագահ Արմեն Սարգսյանն այսօր շնորհավորական ուղերձ է հղել Իռլանդիայի նախագահ Մայքլ Հիգգինսին՝ պաշտոնում վերընտրվելու կապակցությամբ:

«ԲՀԿ-ն քաղաքական կուսակցություն է, ես այդ կուսակցության անդամ չեմ, իսկ որ Ծառուկյանն իմ ընկերն է, չեմ էլ ուզում դա քննարկման առարկա դարձնել. այո, Գագիկ Ծառուկյանն իմ ընկերն է»,- 168.am-ի հետ զրույցում այս մասին ասաց Աբովյանի քաղաքապետ Վահագն Գևորգյանը։

Հանրապետության նախագահ Արմեն Սարգսյանի գլխավորած պատվիրակությունը, որի կազմում են Ազգային անվտանգության խորհրդի քարտուղար Արմեն Գրիգորյանը, պաշտոնատար այլ անձինք, այսօր աշխատանքային այցով մեկնել է Բելառուսի Հանրապետություն՝ մասնակցելու Մինսկում կայանալիք Մյունխենի անվտանգության համաժողովի (Munich Security Conference) Հիմնական խմբի (MSC Core Group) հանդիպմանը:

Հոկտեմբերի 29-ին Ստամբուլում կայանալու է նորակառույց 3-րդ օդանավակայանի բացման արարողությունը, որին մասնակցելու են մի շարք բարձրաստիճան պաշտոնյաներ՝ երկրի նախագահ Ռեջեփ Թայիփ Էրդողանի գլխավորությամբ։

ԱԺ-ում Ընտրական օրենսգրքի փաթեթի տապալմանն արձագանքել է Դանիել Իոաննիսյանը։ Նա ֆեյսբուքյան իր էջում գրում է. «Վերահաստատում եմ մոտեցումս»:

Ընտրական օրենսգրքի բարեփոխումների փաթեթը կրկին ԱԺ օրակարգ բերելն անիմաստ է, ժամանակային առումով կարող են խնդիրներ առաջանալ: Այս մասին ԱԺ-ում լրագրողների հետ զրույցում ասաց «Ելք» խմբակցության պատգամավոր Ալեն Սիմոնյանը:

Երևանի քաղաքապետարանում այսօր մեկնարկած ավագանու նիստում քաղաքապետ Հայկ Մարությանը հայտարարեց, որ Երևանի ավագանու «Իմ քայլը» դաշինքի անդամներից մի քանիսը հրաժարվել են մանդատներից:

Գերմանիայի կանցլեր Անգելա Մերկելը Քրիստոնեադեմոկրատական միության (ՔԴՄ) համագումարում իր թեկնածությունը չի առաջադրի կուսակցության նախագահի պաշտոնում:

Հանրապետության նախագահ Արմեն Սարգսյանն այսօր ցավակցական հեռագիր է հղել Ինդոնեզիայի Հանրապետության նախագահ Ջոկո Վիդոդոյին՝ Ջակարտայից թռչող ինքնաթիռի ողբերգական վթարի առանչությամբ, որը բազմաթիվ զոհերի պատճառ է դարձել:

Ազգային ժողովում Ընտրական օրենսգրքում բարեփոխումների փաթեթի քվեարկությանը նիստից բացակայել են ՀՅԴ խմբակցության պատգամավորներ Անդրանիկ Կարապետյանը և Ռոմիկ Մանուկյանը:

Ինդոնեզիայի նախագահ Ջոկո Վիդոդոն ցավակցում է Lion Air ավիաընկերության մարդատար ինքնաթիռի կործանման հետեւանքով զոհված ուղեւորների ազգականներին ու մերձավորներին, որն աղետի է ենթարկվել Ճավա կղզու արեւմտյան մասում:

ԱԺ պատգամավոր Սամվել Ալեքսանյանը, խորհրդարանում լրագրողների հետ զրույցում ասել, թե պատահմամբ է դեմ քվեարկել Նիկոլ Փաշինյանի թեկնածությանը վարչապետի արտահերթ ընտրությունների ժամանակ։

«Կան բազմաթիվ աուդիո և վիդեոնյութեր, որոնք ցույց են տալիս, թե ինչ է տեղի ունեցել իրականում։ Համացանցում կա տեսանյութ, որում երևում է, որ ցուցարարների կողմից գործի է դրվել մարտական զենք և այլն։ Այս ամենը վերաշարադրելն անհնար է։ Սպանությունների մի մասը կարող է կատարված լինել հենց այդ զենքի օգտագործմամբ»:

ՀՀ Ազգային ժողովում երկրորդ անգամ գումարված արտահերթ նիստում Ընտրական օրենսգրքի բարեփոխումների փաթեթը կրկին չստացավ բավարար ձայներ: Բարեփոխումների փաթեթին կողմ քվեարկեց 62 պատգամավոր, դեմ՝ 2 պատգամավոր, ձեռնպահ պատգամավոր չկար: Փաթեթի ընդունման համար անհրաժեշտ էր 63 կողմ ձայն: 

«Իրականում, այս քննարկումը կարելի էր համարել հրաշալի, եթե այն տեղի ունենար ընտրությունների անցկացումից ոչ 42 օր առաջ»,- այսօր խորհրդարանում հայտարարեց ԱԺ փոխնախագահ Արփինե Հովհաննիսյանը։

Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ իրականացվող համաներման նախագիծն Ազգային ժողովում կքննարկվի հոկտեմբերի 31-ին։

Բրյուսելը չի կարողանում մինչեւ նոյեմբերի 4-ին ԱՄՆ-ի պատժամիջոցների ուժի մեջ մտնելը գտնել Եվրամիության որեւէերկիր, որը կհամաձայներ իրավաբանական հասցե դառնալ ընկերության՝ Իրանի հետ առեւտրական հաշվարկների համար հատուկ մեխանիզմի (SVP) գրանցման նպատակով:

2018թ. հոկտեմբերի 29-ին Հայաստանի անվտանգության խորհրդի  քարտուղար Արմեն Գրիգորյանը մեկնում է Բելառուսի Հանրապետություն` մասնակցելու Մյունխենյան անվտանգության համաժողովի հիմնական խմբի հանդիպմանը։ 

«Հարգելի պարոն Միրզոյան, բա ինձ խի՞ չես զանգել, տեսնես՝ ես ոնց եմ։ Բազմաթիվ այլ ընկերների ինչի՞ չես զանգել։ Մի անգամ SMS ես ուղարկել ապրիլին՝ հեղափոխության օրերին, տեսել ես, որ չի «կպնում», էլ իմ ողջությունը քեզ չի հետաքրքրում։ Քեզ հետաքրքրում է միայն  այն մարդկանց ողջությունը, ով կարող է պոտենցիալ կողմ քվեարկել այս ԸՕ-ին»։

«Ես չէի կասկածում, որ այս ներկայացումը  կայանալու է ու նշանակվելու են արտահերթ ընտրություններ։ Զարմանալի ոչինչ չկա, քանի որ մյուս քաղաքական ուժերը բավարար քաղաքական կամք չցուցաբերեցին ու չհամագործակցեցին միմյանց հետ, որպեսզի դա թույլ չտային։ Բայց Փաշինյանն առաջ է մղվում այս պահին դեռ իր ունեցած ռեսուրսների մոբիլիզացիայի շնորհիվ։ Ակնհայտ է, թե խորհրդարանական կուսակցությունները պատրաստ չեն ընտրությունների, ապա արդյունքները լիովին կանխատեսելի են»։