Տարածաշրջան

Բաքու քաղաքի գործադիր իշխանությունը թույլատրել է ընդդիմադիր Ազգային խորհրդի միտինգը: Այս մասին հայտնում է ադրբեջանական Report կայքը` հղում կատարելով «Ադրբեջանի ժողովրդական ճակատ» կուսակցության փոխնախագահ Գյոզալ Բայրամլիին:

Անկարան ու Վաշինգտոնը քննարկում են Սիրիայի Ռաքքա քաղաքը «Դաեշ» ծայրահեղական խմբավորումից գրավելու նպատակով ռազմական համատեղ գործողություններ սկսելու հարցը։ Թուրքիայի նախագահն ասել է, թե իր երկրի ռազմական ուժերը պատրաստ են մասնակցել այդ գործողությանը։

«Շատ կարևոր է, որ հայ հասարակությունն ակտիվ դերակատարություն ստանձնի Հայաստանում։ Սա ասում եմ՝ կրկին մեր փորձից ելնելով և հաշվի առնելով այն, որ Ուկրաինան և Հայաստանը օլիգարխիկ երկրներ են»։

Թուրքիայի ներխուժումը Սիրիա բոլոր արտաքին դերակատարների հետ նախապես համաձայնեցված սցենար էր։ Ասեմ ավելին՝ այս ներխուժմանը դեմ չեն նաև սիրիական իշխանությունները։ Թեև նրանք հանդես եկան պաշտոնական հայտարարությամբ ու քննադատեցին Թուրքիային, բայց Սիրիայի ներսում տեղի ունեցող գործընթացները, և հատկապես՝ քրդական գործոնի ակտիվացումը, քրդական ինքնավարության ընթացքը ձեռնտու չէր ո՛չ սիրիական իշխանություններին, ո՛չ Իրանին, ո՛չ Թուրքիային, ինչո՞ւ ոչ՝ նաև արտաքին դերակատարներին։

«Բնական է՝ որքան շատ լինեն հայազգի պատգամավորներ, դա միայն օգուտ է համայնքին, բայց ավելի կարևոր է, որ թեկուզ մեկ պատգամավոր ներկայացված լինի, սակայն ավելի ակտիվ լինի ու ավելի հաճախ անդրադառնա հայապահպանությանը, պառլամենտում բարձրացնի հայերին առնչվող խնդիրները, քան լինի 5-10 պատգամավոր, բայց իրենց ձայնը չբարձրացնեն տարբեր խնդիրների առնչությամբ։ Եղել են ազգությամբ վրացի պատգամավորներ, որոնք հայանպաստ դիրքորոշումներ են արտահայտել պառլամենտում։ Եղել են նաև հայազգի պատգամավորներ, որոնք ընդհանրապես ոչ մի խնդիր չեն բարձրացրել»։

Թեհրանում մետրոյի կայարանը թունելին միացնող բետոնե սեկցիաներից մեկի փլուզման հետևանքով 4 մարդ է զոհվել, ևս 11 աշխատակիցներ ստացել են վնասվածքներ:

Արգելվում է օգտագործել «թուրքական» և «Թուրքիա» բառերը արտերկրում գործող ցանկացած թուրքական կազմակերպություններում և հաստատություններում, հայտարարել է Թուրքիայի նախագահ Ռեջեփ Էրդողանը, տեղեկացնում է TRT Haber հեռուստաալիքը:

Թուրքիայում աշխատանքից 11 285 հազար ուսուցիչ է աշխատանքից ազատվել: Նրանց մեղադրում են «Քրդական աշխատավորական» կուսակցության (PKK) զինյալներին աջակցություն ցուցաբերելու մեջ, ասվում է Թուրքիայի կրթության նախարարության հաղորդագրության մեջ: Այս մասին հայտնում է haqqin.az պորտալը:

«Ես ուղիղ և պարզ ասացի գլխավոր քարտուղարին, որ և´ Վրաստանին, և´ ՆԱՏՕ-ին անհրաժեշտ են որոշակի ստեղծագործական և նորարարական մոտեցումներ հայտնի խնդիրների նկատմամբ, քանի որ իրավիճակն այնպիսին է, որ սովորական ճանապարհով և գործընթացի շարունակման միջոցով հնարավոր չէ: Ես ասացի, որ ՆԱՏՕ-ին ինտեգրման պլանում Վրաստանը կփորձի հասնել լուրջ առաջընթացի երկկողմ հարաբերություններում»,- ասել է Ուսուպաշվիլին լրագրողներին Ստոլտենբերգի հետ հանդիպմանը:

Միլիարդատեր, Վրաստանի իշխող «Վրացական երազանք» կուսակցության ոչ պաշտոնական ղեկավար Բիձինա Իվանիշվիլին հայտարարել է, որ ամենից շատ սխալվել է Վրաստանի ներկայիս նախագահ Գեորգի Մարգվելաշվիլիի հարցում, հայտնում է newsgeorgia.ge-ն:

ԱՊՀ հատուկ ծառայությունների ղեկավարները սեպտեմբերի 28-ին կհանդիպեն Ադրբեջանի մայրաքաղաքում, հայտարարել է ԱՊՀ գործադիր կոմիտեի նախագահ-գործադիր քարտուղար Սերգեյ Լեբեդևը: Այս մասին տեղեկացնում է RIA Novosti-ն:

Թուրքիայի իշխանությունները օգոստոսի 15-ից կարողացել են խափանել 229 ահաբեկչական հարձակում, որոնք երկրում ցանկացել է իրականացնել «Քրդական աշխատավորական» (PKK) կուսակցությունը:

Ադրբեջանի արտգործնախարար Էլմար Մամեդյարովը հանդիպել է Ֆրանսիայի Եվրոպական հարցերով պետքարտուղար Հառլեմ Դեզիրի հետ, տեղեկացնում է ադրբեջանական APA գործակալությունը:

Թուրքիայում դադարեցվել է անցումը ձմեռային ժամանակի: Ինչպես հաղորդում է թուրքական «Հուրիեթ» պարբերականը, այս մասին նախարարական կաբինետի որոշումը հրապարակվել է թուրքական «Պաշտոնաթերթ»-ում:

Ադրբեջանի պետական նավթային ընկերությունը (SOCAR) փոխզիջումային առաջարկություններ է ակնկալում Հունաստանից` հունական DESFA գազային օպերատորի բաժնետոմսերի ձեռքբերման գործարքի հաջող ավարտի համար, Իզմիրում լրագրողներին հայտնել է SOCAR Energy Greece-ի ղեկավար Անար Մամեդովը:

Թուրքիայի իշխանությունները Ստամբուլի հայկական «Ակոս» պարբերականի նախկին գլխավոր խմբագիր Հրանտ Դինքի սպանության կազմակերպման և իրականացման գործը փորձում են բարդել գյուլենականների վրա: Ինչպես հաղորդում է թուրքական «Հուրիեթ» պարբերականը, ռազմական հեղաշրջման ձախողված փորձից հետո գյուլենականների դեմ իրականցվող գործողությունների շրջանակո ւմ աշխատանքից հեռացվել են այն երկու ոստիկանները, ովքեր Դինքի սպանությունից հետո լուսանկարվել էին մարդասպան Օգյուն Սամասթի հետ:

Թուրքիայի նախագահ Ռեջեփ Էրդողանը հայտարարել է, որ իր երկիրը և ԱՄՆ-ը պատրաստ են միասին վտարել ԴԱԻՇ-ի զինյալներին Սիրիայի Ռաքքա քաղաքից, որը ջիհադիստները համարում են իրենց մայրաքաղաքը, հայտնում է BBC-ն:

Ադրբեջանի նախագահ Իլհամ Ալիևը հրաման է ստորագրել 2019 թվականին Ադրբեջանում բնակչության մարդահամարի անցկացման մասին:

Գերմանական Deutsche Welle հեռուստառադիոընկերության թղթակից Նաոմի Կոնրադի անունը կներառվի Ադրբեջանի ԱԳՆ-ի «սև ցուցակում», քանի որ նա «խախտել է» Ադրբեջանի օրենքները՝ առանց ադրբեջանական կողմի համաձայնության այցելելով Լեռնային Ղարաբաղ։

Թուրքիայում գյուլենականների դեմ իրականացվող գործողությունների շրջանակում ձերբակալվել են երկու ծովակալներ և նրանց աջակցած գնդապետն ու նրա աղջիկը: Այս մասին տեղեկացնում է թուրքական «Անադոլու» գործակալությունը:

Սույն թվականի սեպտեմբերի 7-ին, տեղական ժամանակով ժամը 20.57-ին (Գրինվիչի ժամանակով` 16.57) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է 4.5 մագնիտուդով երկրաշարժ:

«Եթե առաջին գործողությունների ժամանակ արձագանքները բավականին զուսպ էին, ապա արդեն օգոստոսի վերջին օրերին Ռուսաստանն իր մտահոգությունը հայտնեց այս զարգացումների վերաբերյալ, ԱՄՆ տարբեր ներկայացուցիչներ քննադատական նախազգուշացումներ արեցին, Իրանը նույնպես դատապարտեց: Այսինքն` Թուրքիան փորձում է իր իսկ խաղը տանել Սիրիայում եւ թնջուկ ստեղծել առանց այդ էլ բարդ իրավիճակում: Ինչո՞ւ Հարավում… Որովհետև այնտեղ Թուրքիայի համար շատ կարեւորը Հալեպի կռիվն է, այն, թե ով կվերահսկի Հալեպը»,- նշեց Անուշ Հովհաննիսյանը:

«Գազպրոմն» Անկարայից դիվանագիտական խողովակներով ստացել է «Թուրքական հոսքի» իրագործման մասին առաջին թույլտվությունները, ասվում է ռուսական ընկերության հաղորդագրության մեջ:

Ադրբեջանի արտգործնախարար Էլմար Մամեդյարովը ելույթ է ունեցել Եվրոպայի խորհրդի Նախարարների կոմիտեի նիստում: Այդ մասին հայտնում է APA գործակալությունը` հղում կատարելով Ադրբեջանի ԱԳՆ մամուլի ծառայությանը:

Իրանը, որը նավթի խոշորագույն արտադրողներից է, մտադիր է ավելացնել նավթարդյունահանման ծավալները մոտակա մի քանի ամիսներին, հայտնում է CNBC-ը:

«Այն, ինչ կատարվում է Սիրիայում, ազդեցություն է գործում ամբողջ տարածաշրջանի վրա եւ, բնականաբար, չի կարող չընդգրկել նաեւ Հայաստանը: Մենք տեսնում ենք, որ Թուրքիան իր դիվանագիտական լարախաղացության շնորհիվ եթե ոչ երկարատեւ, ապա կարճատեւ կտրվածքով կրկին ընդգծեց իր կարեւորությունը` որպես տարածաշրջանային խաղացող, այսինքն` երկիր, որի հետ ուզած-չուզած հաշվի են նստում գլոբալ խաղացողները` ԱՄՆ-ն, Ռուսաստանը եւ, ինչպես տեսնում ենք, նաեւ Գերմանիան»:

Վրաստանը պետք է կարողանա կասեցնել Ռուսաստանից բխող ագրեսիան և այս հարցում նրան անհրաժեշտ է ԱՄՆ-ի օգնությունը, լրագրողներին ասել է Վրաստանում ԱՄՆ դեսպան Յան Քելլին Թբիլիսիի «Ռումս» հյուրանոցում, որտեղ անցկացվում է «Եվրոպայի փոփոխական աշխարհառազմավարական լանդշաֆտը Վարշավայի գագաթաժողովից հետո» համաժողովը:

Թուրքիան հաշվարկում է ԱՄՆ-ի և Ռուսաստանի հետ Հալեպում հրադադար հաստատել: Այս մասին Թուրքիան բանակցություններ է վարելու ԱՄՆ-ի և Ռուսաստանի ղեկավարների հետ: Ինչպես հայտնում է Нaberturk հեռուստաալիքը, համապատասխան հայտարարությունը Թուրքիայի նախագահ Ռեջեփ էրդողանը արել է Չինաստանից վերադառնալուց հետո` լրագրողների հետ զրույցի ժամանակ:

ՆԱՏՕ-ի գլխավոր քարտուղար Յենս Ստոլտենբերգը ժամանել է Վրաստան, հայտնում է «Գրուզիա օնլայնը»:

Սիրիայի ազատ բանակը Թուրքիայի ԶՈՒ օգնությամբ «Եփրատի վահան» գործողության շրջանակում ԴԱԻՇ-ի ահաբեկիչներից ևս 6 գյուղ է ազատագրել, հայտնում է թուրքական Haber 7 թերթը: