Միջազգային

«ԱՄՆ նախագահական ընտրություններում Հանրապետական կուսակցության թեկնածու Միթ Ռոմնիի քարոզարշավին երեկ կրկին մեծ վնաս հասցվեց: Նրա անձնական կարողությունների մասին տեղեկությունները գրավել են լրատվամիջոցների ուշադրությունը»,- գրում է «Independent»-ը` անդրադառնալով նախօրեին Gawker կայքում հրապարակված մոտ 950 էջանոց փաստաթղթերի փաթեթին:

Շվեյցարիայի Լոզանի քաղաքի համալսարանական կլինիկական կենտրոնի ռադիոլոգիայի լաբորատորիայի փորձագետները շուտով կգնան Պաղեստինի ինքնավարություն` Յասիր Արաֆաթի աճյունի ուսումնասիրման նպատակով,- հայտնում է «Ֆրանս պրես» գործակալությունը:

Մեծ Բրիտանիայի արտաքին գործերի նախարարությունը Լոնդոնում գտնվող Էկվադորի դեսպանատուն նոտա է ուղարկել, որով կոչ է անում Էկվադորին վերականգնել բանակցությունները WikiLeaks-ի հիմնադիր Ժուլիան Ասանժի գործով: Այս մասին հայտնում է բրիտանական «The Daily Telegraph» թերթը:

ՊՆ մամուլի ծառայությունից հայտնում են, որ օգոստոսի 22-ին Վ. Լահյուին ընդունել է ՀՀ պաշտպանության նախարարի առաջին տեղակալ Դավիթ Տոնոյանը: Հանդիպման ընթացքում քննարկվել են պաշտպանության ոլորտում Հայաստան-ՆԱՏՕ համագործակցությանն ու դրա ընդլայնմանը, ինչպես նաեւ ՆԱՏՕ-ի կողմից ՀՀ պաշտպանական բարեփոխումներին աջակցությանն առնչվող հարցեր: Կողմերը անդրադարձ են կատարել նաեւ Հարավային Կովկասում տարածաշրջանային անվտանգությանը վերաբերող խնդիրներին:

Հիլարի Քլինթոնի ուղերձը հասցեագրված էր Եգիպտոսի ԱԳՆ ղեկավար Մուհամմեդ Ամրուին` կապված թերակղզու շրջանում եգիպտական ավիացիոն և տանկային ստորաբաժանումների տեղակայման հետ:

Ըստ նրա՝ մասնավորապես՝ տնտեսական հենքի վրա իրականացված լայնածավալ համագործակցությունները Հայաստանի համար նպաստավոր կդառնան: «Այս առումով մենք գտնում ենք, որ պետք է գտնենք բոլոր եզրերը՝ կայուն տնտեսություն ունենալու համար»,- ասաց Էնֆիաջյանը:

«Ես ևս մեկ անգամ ուզում եմ նշել, որ Ռուսաստանի չեչեն քաղաքացիները չեն մասնակցում ռազմական գործողություններին Սիրիայում, որ կողմից էլ լինի: Արևմտյան ԶԼՄ-ների կողմից տարածվող և, ցավոք, ռուսական որոշ հրատարակությունների կողմից խրախուսվող լուրերը տարածվում են այն նպատակով, որպեսզի տպավորություն ստեղծվի, թե հակամարտությանը մասնակցում են ՌԴ քաղաքացիներ»,- ասել է Կադիրովը:

Խորհուրդն իր հայտարարության մեջ «որոշ հայորդիների» մեղադրել է «Ասադի ուժերի հետ գործակցելու, սպանությունների պատճառ դարձած գործողությունների մասնակցելու», «ռազմականապես սիրիական ռեժիմին սատարելու» համար

«Մեր հանդիպման ամենակարևոր արդյունքը դարձավ ՀԱՊԿ անդամ պետությունների տարածքում ՀԱՊԿ անդամ չհանդիսացող երկրների ռազմական օբյեկտների տեղակայման հարցերի վերաբերյալ կայացված համաձայնությունը: Այժմ երրորդ երկրի ռազմական բազան ՀԱՊԿ անդամ պետության տարածքում տեղակայելու համար անհրաժեշտ կլինի ստանալ կազմակերպության բոլոր անդամների համաձայնությունը:

Բրիտանիայի վարչապետը ևս մեկ անգամ կարևորել է Քաթարի, Թուրքիայի և Սաուդյան Արաբիայի հետ աշխատելու անհրաժեշտությունը սիրիական հակամարտության լուծման ճանապարհին:

Համապատասխան որոշումը կայացվել է հանդիպմանը, որին մասնակցել են երկրի պաշտպանության նախարարության ու ՆԳՆ-ի աշխատակիցները, ինչպես նաև ցուցարարների ներկայացուցիչները:

«Reuters» լրատվական գործակալությունն օգոստոսի 21-ին հրապարակել էր մի հոդված` «Իրանը հույս ունի Հայաստանի միջոցով շրջանցել բանկային պատժամիջոցները» վերնագրով, որտեղ մասնավորապես նշվում է, թե Իրանը հետաքրքրություն է ցուցաբերում հարևան Հայաստանի հանդեպ այն ժամանակահատվածում, երբ արևմտյան պետությունները և հետախուզական ծառայություններն ուժեղացնում են Թեհրանի շրջափակումը` փորձելով խեղդել երկրի միջուկային ծրագրերը:

Թեև Տրիպոլի քաղաքում հայկական համայնքը շատ փոքր է, իսկ քաղաքը մոտ 100 կմ հեռավորության վրա է գտնվում Բեյրութից, սակայն հայկական համայնքի ներկայացուցիչներն անհանգստացած են, մարդիկ՝ վախեցած:

Եգիպտական զորքերի ներկայությունը Սինայում կանոնակարգվել է 1979 թ. ձեռք բերված քեմփդևիդյան խաղաղության համաձայնագրով:

«Ներկայում Հայաստանը քննարկում է այս հարցը»,- ասել է Առաքելյանը` հավելելով, որ որոշ հարցեր լուծելուց հետո հյուպատոսությունը կբացվի:

Դիտարկման առաքելությանը ղարաբաղյան կողմից ուղեկցել են ԼՂՀ արտաքին գործերի նախարարության եւ պաշտպանության նախարարության ներկայացուցիչները:

Ինչպես բացատրել է հարավկորեական «Ռենհապ» գործակալությունը, ձևականորեն երկրի ղեկավար է հանդիսանում հենց Կիմ Են Նամը, սակայն իրանական ԶԼՄ-ները ճիշտ չէին ընկալել «ԿԺԴՀ-ի ղեկավար» արտահայտությունը ու որոշել են, որ Կիմ Չեն Ընը կմեկնի Թեհրան:

Սա հերթական միջադեպն է վերջին շաբաթներին Թուրքիայի կառավարական ուժերի և քուրդ զինյալների միջև ուժգնացած բախումների ֆոնին: Այս շաբաթը Թուրքիայի կառավարությունը ապստամբներին մեղադրել էր Սիրիայի հետ սահմանին ռումբի պայթյունով 9 մարդ սպանելու համար:

Երեկ՝ օգոստոսի 22-ին Նախագահ Բակո Սահակյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին: Այս մասին տեղեկացնում է Արցախի Հանրապետության նախագահի աշխատակազմի տեղեկատվության գլխավոր վարչությունից: Հանդիպմանը քննարկվել են ԼՂՀ եւ Ադրբեջանի զինված ուժերի շփման գծում տիրող իրավիճակին վերաբերող հարցեր:

ԱՄՆ-ը հուսով է` Չմիավորման շարժման գագաթնաժողովի անդամները Թեհրանում ճնշում կգործադրեն Իրանի իշխանությունների վրա:

Սիրիական բանակի զորամասերը այսօր՝ չորեքշաբթի օրը, մտել են հարավային Դամասկոս՝ ամրապնդելու երկրի նախագահ Բաշար ալ Ասադի իշխանությունը մայրաքաղաքում: Ինչպես հայտնում է Reuters-ը` ընդդիմության ակտիվիստների խոսքերով՝ սպանվել է առավել քան 40 մարդ. Կառավարական ուժերի հարձակումը, ըստ ապստամբների՝ ուղեկցվել է օդային ռմբակոծությամբ, որն ըստ նրանց ամենաինտենսիվն էր ողջ ամսվա ընթացքում:

Ինչպես տեղեկացնում է Վրաստանի ՊՆ mod.gov.ge պաշտոնական կայքը, հանդիպմանը քննարկվել են համատեղ աշխատանքի ծրագրերը, բացի այդ` Վրաստանի պաշտպանության նախարարի տեղակալ Մայա Սիպրաշվիլի-Լին ռազմական կցորդներին տեղեկացրել է պաշտպանության նախարարության նոր հայեցակարգի հետ:

Դաշտային հրամանատար Գելաևը ոչնչացվել էր 2004 թ. փետրվարին հատուկ գործողության ժամանակ Դաղստանում` ռուս-վրացական սահմանը հատելիս:

Տաջիկստանի բնակիչները երկրի նախագահ Էմոմալի Ռահմոնից պահանջում են վերջ տալ բռնությանը, միջոցառումներ ձեռնարկել իրավիճակը կայունացնելու համար:

Այժմ խորհրդարանական կուսակցությունների ներկայացուցիչները պետք է ստեղծեն նոր կոալիցիա, որպեսզի վարչապետ նշանակեն:

Հիշեցնենք, որ հուլիսի 23-ին Իրանը հանդես էր եկել սպառնալիքներով` հայտարարելով, որ ուրանի հարստացումը 20%-ից հասցնելու է 56%-ի:

Լիբանանի վարչապետ Նաջիբ Միկաթին, ով աջակցում է սուննիներին, հակամարտող երկու կողմերին կոչ է արել վերջ տալ այս «անիմաստ առճակատմանը», իսկ Տրիպոլիի բնակչությանը խորհուրդ է տվել թույլ չտալ, որ ինչ-որ մեկը իրենց ներքաշի «ուրիշի համար մղվող պատերազմի մեջ»:

Գործակալությունը հաղորդել է նաև 3 արտասահմանցիների մահվան մասին, սակայն ավելի ստույգ տվյալներ այս պահին չկան:

Միջադեպը տեղի էր ունեցել օգոստոսի 17-ին, Հայաստանի և Ադրբեջանի զինված ուժերի շփման գծում տեղակայված ադրբեջանական զորամասերից մեկում: 24-ամյա զինծառայողը տեղափոխվել էր Ադրբեջանի կենտրոնական զինվորական հոսպիտալ:

Ինչպես տեղեկացնում է «Ֆրանս պրես» գործակալությունը, Սիրիայի ընդդիմադիրների ներկայացուցիչները հանդիպել են նաև Ֆրանսիայի արտգործնախարար Լորան Ֆաբիուսի հետ: